日本初回目-遊東京

終於有興緻寫埋05年12月的東京之旅，回想第一次去日本心情既緊張，又高興．
自小已很鍾情日本文化，睇的是日本雜誌，日劇，迷日本明星，學日文．
05年12月呢個日子，終於俾到藉口我到日本遊玩，第一次去日本仲要係首次自由行，正呀！

心想有很多地方想去，而日數就只有七天，怎能去太多的地方呢！
加上人生路不熟，所以買了4日3夜package再加3晚酒店，坐西北航空（因最早有機），全部住同一間新宿太子酒店（回想都有啲笨，應該轉吓酒店），最終都有幾多有趣的事情發生．

我同ベン さん終於在12月11日完成了人生中的一件大事，繼而就喺首次日本自由行之蜜月之旅．．．．

Day1 (2005年12月13日)

由於第一次自由行，好緊張，好怕有意外發生，所以當天於凌晨1:30乘船到港澳碼頭；估唔到又幾順利，大約4點到達香港機場，要等到6點才可Check in，於是我們就喺機場眠一眠，兩小時後check in再到super sandwich   食早餐，8:30乘西北航空到東京．到達的哪一刻感覺好舒服同好親切，因為日本是我多年以來都想到此一遊，實在太愛日本文化同風景．

1:45分到達，由於package包一程機場巴士，於是就到大堂的機場巴士的counter換車票，4點多到達新宿再行10分鐘左右到達新宿太子酒店check in後休息一陣，落到地鐵站還要步行好一陣子才到達乘JR山手線的區域，東京的地下鐵網絡真係復雜，有兩間私營地下鐵再加ＪＲ路線繁多，站仲多，有時私營地下鐵的站同ＪＲ的站又互不相通，見到都有啲亂．不過第一次喺咁架囉!

第一站池袋， 從西口一出就見到ベン さん至愛店舖Kamo soccer，入內逛一逛未新收獲，因為有點餓，在某店舖食吃了天婦羅套餐，十分美味，後到

Namja Town 內的Ice-cream city吃雪糕，分別吃了海洋味及碳味都幾特別，之後行咗甜品共和國及浪花餃子スタジアム，見到咁多餃子店真的好吸引，可惜剛剛吃飽了．

跟著回酒店休息，但我們還未到Lawson買三鷹之森的門票，於是到大堂問酒店職員哪裏有Lawson，他就給了一張地圖我哋，哦～原來好近已有一間，入到Lawson見到部售票機，原來要入名及其他資料，由於不懂，只好問店員，他就好快為我們輸入好所有資料，終於買到，可以依行程進行，真好！

由於已接近凌晨，歌舞伎町一帶很多人，尤其夜店臨立真的很熱鬧，有人拉客，又有飲醉酒的男人當街小便，真喺覺得有啲雜，隨後到某中華拉麵店吃宵夜，終於完成了第一天的行程，好疲倦了．．．．．

Day 2 (12月14日) 橫濱遊

早上八點起床，隨後到酒店附近的Cafe shop食早餐，回JR站買橫演一日卷.今日就睇清楚個新宿駅，原來正在裝修中，有很多指示牌都唔清楚，尤其我哋第一次自由行來講喺有啲亂．先乘湘南新宿線到橫濱駅再轉車到桜木町駅下車，行一行みなとみらい21エリア，沿著天橋先到日本丸メモリアルパーク拍咗幾張照繼續往前行横浜ランドマークタワー及クイーンズスクエア横浜（Queen’s Square)我哋都買咗唔少手信，仲買咗個agnes b.袋俾自己. 而べんさん話嚟到橫濱一定要買件J-League的橫濱水手啦，最主要仲要有折添！

日本丸メモリアルパーク

講起手信又令我想起有個friend，山長水遠喺橫濱買咗盒餅俾佢，事後我哋景然在第三者口中得知，話我哋買啲咁既嘢俾佢，真激氣，於是我哋都話以後唔買手信俾佢．

Shopping之後沿路經過國立橫濱國際會議場，紅磚倉庫，橫濱稅關，行行吓都唔知行咗幾多分鐘，終於行到目的地中華街，時間都差不多12時多，天氣不算冷，但行咗咁耐都有啲餓，中華街最多的是大包，於是買咗一個大包兩份食，熱騰騰～～好味道，中華街真的很有中國特色，好多日本人到這裏遊覽，而大包及天津炒栗子都很受歡迎．

之後往石川町駅乘JR到關內駅，下一站咖哩博物館（横濱カレーミュージアム）因為寫blog回去該網頁原來已於今年的3月31日閉館，真喺估唔到．咖哩博物館的裝飾真的幾印度feel，在內吃了個咖哩包，餃子雞翼，兩樣都好美味，再到手信店買咗咖哩薄餅，仲有個收銀姐姐好靚女喲！

時間差不多3點，返回關內駅到新杉田駅，轉乘Seaside Line單軌車到鳥濱站，第一次搭單軌無人駕駛列車，車箱細細，都幾舒適．到達鳥濱站過一條天橋，沿海邊方向步行很快就到Bayside Outlet ．

雖然只是4點多，但已是黃昏了，未到Outlet已經天黑．我哋先將之前的戰利品找個Locker放低先，先到Levis, Edwin，揀好心頭好立即買下，改褲要加錢（忘記幾多錢了），原來改褲由sales哥哥即場改的，真喺快靚正．再轉戰運動部門，nike, adidas等，因以前未去過outlet，第一次見到好像倉庫一般的店舖，自助式好興奮，由自己揀尺碼翻箱倒篋，好開心．不知不覺原來差不多7點，到outlet內的食店吃晚餐，都選擇很少，我哋選了一間吃拉麵，味道一般．周圍影吓相之後，回Locker攞嘢，原路回鳥濱駅，列車到站時，嘩都幾多人喎，好彩仲有位，之後到達桜木町駅下車，主要想影日本丸メモリアルパーク同附近的夜景，

最後由橫濱駅返回新宿（哪張一日乘車卷已完成任務），不過往新宿方向的車廂都有幾多滿身酒氣的男仕．這一天橫濱之旅終於完成，回酒店休息．

Day 3 三鷹の森美術館

Day ４　台場

Day 5 淺草　

Day 6 原宿 青山

Day 7 自由の丘 晚上歸家了

有點沉悶的東京遊，行程計劃有更多要改變的地方，例如住的地方等等，下一個遊程関西之旅………