黑色星期五的一天

天色非常昏暗，今日黑色星期五，其實對好多人黎講都無咩事會發生；對於我今日就是一個結束，結束後當然亦是一個新的開始。

離開工作五年多的地方，實在對好多同事都會唔捨得，而對這個根本不屬於自己的地方，永遠唔會像自己人般的地方，離開都會覺得開心的。

由第一天上班已經覺得自己是外人，過了一段時間，就會覺得無論你怎樣努力你都唔會有晉升機會（因為要升職是要有條件的，而我永遠唔會因為要升職而去附合這個條件的），到了咁多年以後，我仍然覺得自己同這公司格格不入，再加上工作的繁多，政策的改變，實在另人煩厭；及我呢啲因為唔喺自己人，要炒一定炒我黎啲非自己人先，所以都好有危機的；

經常有這想法：我幾時可以離開呢？想多了，又會想現在都唔太差的；但有機會interview，仍然會嘗試，試多了，又失敗，當你心灰意冷的時候，終於可以走啦，各人都為我高興，尤其家人亦想我揾到好啲的工作，不過新工作是否真的好，亦唔一定．．．．（相信唔會咁忙掛）

之前亦送咗小禮物給我的同事，從日本訂回來的: うさぎスイーツ　京乃ぴょんや，每一張咭都寫上不同的多謝句子，裡面有一個黑豆朱古力，十分好味的。每位同事收到都很高興亦同時多謝她們。

當然訂野的同時，亦訂了以下的給自己，罐裝的是黑豆朱古力（黑，白及草莓味），而面嗰盒是抺茶生朱古力（非常好味，好濃的抺茶味）

新的工作下星期就會開始，祝自己一切順利！

願主保祐你們！！！！！！！！！！！！