阪奈京秋の旅 ~ 奈良,京都

中午離開奈良，打算直接坐JR到東福寺，只需要690円，45分鐘就到，一出駅，嘩使唔使咁多人呀，剛巧東福寺駅正在改裝中，本來想找Locker先存好行李，因我們二人都背着大背包，因為實在無Locker之餘，仲要人太多，非常辛苦，所以我哋決定先回京都三条的民宿放低行李；未來的四晚住宿都在懷古庵，點解會選懷古庵 ，因為正值京都的旺季，平酒店好多都full哂，貴的還有，所以最後決定試試民宿，而且懷古庵 的評價都OK的，懷古庵 是以一條小町，內有多間獨立古民宅（日本稱為町家）．非常有特色的。

到達京都駅後，先買幾張500円一日乘車卷，再坐巴士到三条駅，步行至懷古庵負責人的新洞食糧老舖雜貨店找鷲尾太太，

取匙後
鷲尾太太帶我哋到隔一條小巷的懷古庵中的”常磐”町家，安頓好及休息一陣，我哋都要醫吓個肚先，因為已經兩點多了。

於是步出大街，就嗅到好香的咖哩味，跟隨味道帶我哋到一間食烏冬的店，點咗兩個熱騰騰的咖哩烏冬，可能肚餓啦！又真喺好好味的。

餘下的時間只好先安排到鞍馬寺及貴船一帶，先坐巴士到出柳町駅，購買叡電１日乗車券，1000円包括叡山電車的叡山本線及鞍馬線，我哋先到鞍馬駅，一出駅已見到好多人同埋好靚的紅葉，心情當然開心啦！還見到這個很紅的天狗像；

繼續步向鞍馬寺，先要步上長長的石階；

之後穿過仁王門，左邊是由岐神社，右邊是坐纜車上山，料金100円

車程2分鐘，到達120m的山上，參拝料金這裡叫愛山費要付200円 ，

下車後，經過一條好靚的燈路，

接著到多宝塔及本殿

仲有觀景台

穿過本殿後有一條叫奧の院細道，傳說是有一位別號牛若丸的人修練劍術或練武術的地方，我哋就在無警示的情況下，又加上誤以為好快會行到貴船，亦無想過天會黑得哪麼快的情況下，我哋就開始咗鞍馬寺死忘之旅，徒中天色太黑所經過的山路亦實在太驚險，由於全無意識去影相……..

路程中會經過幾個以上的社，其後大部份都是佈滿樹根的山路，開始時還見很多行山的人從貴船方向過來，但我哋以後就無人跟上，大約步行咗十多二十分鐘開始覺得唔對路，因為樹根很多，大樹亦遮蓋咗好多的光線，開始有點天黑的情況，對頭亦不見再有人，好在手上還有電話可以當電筒，照住地下唔怕趴地，心情越來越緊張，腳步亦越來越浮，仲開始下著小雨，都唔知行咗多少分鐘（大約都30分鐘)慢慢聽到有貴船方向有音樂聲傳來，好像得救的感覺，於是繼續加快腳步，但原來都要多10-15分鐘才正式到達貴船，我哋二人都根疲力盡，真的有從生的感覺；所以結論是入夜真喺要考慮距離多遠才好上山．

到達貴船，雨亦開始大，温度亦轉冷，好在剛巧有個柴火堆可以取暖，而旁邊亦有個食おでん的攤檔，食翻個暖笠笠的おでん，休息一下終於回復體力，

到神社上有音樂表演，好多人在參拝，亦有取曖的火堆，

然後我哋又傻到步行至回貴船口的電車駅，原來都幾遠呢？

到達車駅後，有時間可以欣賞一吓車駅的紅葉，晚上點燈後的紅葉真的另有味道；

大約七點左右才返回京都的衹園，大家都已經肚餓，所以回到衹園，先到壹錢洋食醫肚，價錢已由以前的壹錢加價至現在的630円，絕對值得一試，味道亦唔錯，

之前食飽飽再行一陣，就回懷古庵 休息．

～待續～