阪奈京秋の旅 ~ 大阪

今次已經第三次到大阪關西地區，第一次是夏天的 “京阪神姬之旅”  ，麒麟櫻花大匯演，今次的目的當然是紅葉啦！

紅葉之前的東北．尋秋行，已經欣賞過紅葉的魅力，這次無咁多時間去計劃，所以只好去我哋最熟識的地方京都，京都在我眼中應該是襯托紅葉最美的地方，先介紹今次八天行程的基本資料：
　　　　　　　　　　　　　    
Day 1: 澳門出發－－＞大阪　宿：ホテルビスタグランデ大阪 “vista hotel”
（由於澳門航空的機票，提前90天預訂會平啲，現在是澳門幣$26xx一人，都算平啦）

Day 2: 大阪－－＞箕面－－＞奈良　宿：スーパーホテルLohas・JR奈良駅

Day 3: 奈良－－＞京都　宿：懷古庵

Day 4 – Day 6: 京都　宿：懷古庵

Day 7: 京都－－＞大阪　宿：  フレイザーレジデンス南海大阪

Day 8: 大阪回澳門

Day 1 2010年11月21日 日曜日 

從澳門出發心想是最方便的，可以吃飽飽慢慢到機場，本來是11點起飛，後來在出發前2星期才知道會改至12點起飛，都算啦！於是就10:30左右出門，真喺一出閘就脫腳，因為我哋一出門口，大門就關上，但在鎖門的一刻才知道，鎖匙在屋內，出外旅遊門口又點可以唔鎖呢？只好先到機場，然後再叫大哥到機場攞鎖匙再揾開鎖老幫我處理好．

事情處理好就立即CHECK IN，點知等到差不多中午1點才起飛，真喺對澳門航空失去信心，下次一次唔會搭澳門航空的．

結果到達關西空港都差不多17:30，立即坐南海電鉄到難波，已經差不多18:30

到達難波就立即到酒店ホテルビスタグランデ大阪 “vista hotel” check in , 酒店房都有20平方米,都幾大,

放低行李就要出發, 因為今次來有目的, 要把已脫色的EVISU牛仔褲的logo, 帶到EVISU來油色, 因為油色要等幾天才有褲取, 所以第一天就要去放低油色, 普通兩邊褲袋的LOGO要1100YEN, 而大黑都只要3300YEN,

然後立即到かに道楽, 同樣我哋習慣在道頓堀中間的かに道楽, 因為無咁多人, 點咗一個set及另加蟹刺身

食完晚餐, 四圍行行, 這樣第一天就完結, 明日出發到奈良……..