立山雪壁之旅 – 土岐outlet, 岐埠城

由松本坐到中津川，再轉車到土岐市

車程差不多２小時，所以買定弁當上車食，這個壽司弁當非常好味

到達土岐市的時間，剛巧OUTLET的巴士開出咗，（路線バス時刻表）

所以只好坐TAXI，大約2000YEN三個人分都可以接受，

購物後都已經下午4點多，下午茶時間，這個飽好豐富而且幾好味

今晚的晚餐一早已經決定食鰻魚飯，因為名古屋的鰻魚飯是很有名的，於是決定到最近名古屋駅的「あつた蓬莱軒」，位於松坂屋10樓，等咗一陣就有位，我哋三個人分別叫咗不同大細的鰻丼，食飯啦，睇吓個賣相幾正，

名古屋的鰻魚飯食法有三種，第1是咩配料都唔加，第2是加一些配料(蔥花，紫菜等等），第3是加配料再加茶；

我哋最愛是咩都唔加最好味，因為鰻魚本身已經好香脆，非常好味，喺我食過咁多次鰻魚飯中最好味，到名古屋一定要試這裡的鰻魚飯

飯後閒逛消化吓，最後買埋甜品回酒店品嚐，

然後回名古屋，先回酒店checkin ホテルサンルートプラザ名古屋 ，休息一陣就出外行行，

明天就要回家，今晚要pack好啲行李先，待續～～～～～

Day 8 天朗氣清

今日是行程的最後一天，本來只喺想到大須一帶shopping吓就算，但5點多已經被靚靚的天色吸引著，由於很早起床的關係，而天色又咁靚，立即morning call 我哋的團友，景然他都OK，所以就立即出發，這本來是一個後備景點，可以加插到實在太好啦！

岐阜縣之前我同べんさん已到過犬山城，今日將會到岐阜城，由於名古屋至岐阜都唔使半個鐘，所以我哋先到岐阜，然後在駅內的coffee shop食早餐，食飽就在駅前的巴士站等巴士，

很快就有巴士，車程15分鐘200円在岐阜公園・歴史博物館前下車，就在岐阜公園門前下車，

往內走進就見到金華山ロープウェー的乘車處，因為岐阜城與犬山城一樣在山頂上的，居高臨下的，所以一定要坐纜車上去的，這個纜車往復1050円都算貴的，因為只是8分鐘的車程，但當你上到去都會覺得值得的，要上車啦，人流較少，

下車後還要行一段路上山的，

到城門前時間尚早，還要等一陣才開門，

一場來到當然要入城內看看，岐阜城真的很細，可能古時亦受到破壞，所以內部都已改裝，到天守閣當然要睇岐阜城全景啦！這個入城料金都只是200円，俾佢啦！

同樣乘坐纜車下山了，在打算坐纜車時，突然車卡有問題，車門的開關有問題，大約修理咗10多分鐘，好在對於我哋無大影響

到咗山下都可以買吓手信的，然後行一吓公園，這個公園都幾靚的

返回剛才下車的巴士站

喺時候回岐阜駅了，在岐阜駅前才一專織田信長的金像，都幾高的

返回名古屋駅立即又轉往大須，時間大約都只是11點多的，到大須當然是要shopping啦，雖然時間短短，但都有幾好的收穫，又在大須觀音遊一吓，

隨後立即回酒店收拾剛剛買的戰利品及取回行李，再趕上火車到中部空港，由於上咗架慢車，各位團位上到車都已經放鬆哂，所以不約而同一起瞓咗，到達空港都已經下午兩點左右，立即到手信店買大包蝦餅，之前pack埋入行李箱，可以到counter 寄行李，一切安頓好，可以吃少少嘢，終於完成這次旅程，這八天三人行旅行團非常成功，我哋的團友非常滿意，但在我麒麟大師的角度看帶團真的好辛苦呢！會唔會有下次，真的要充分考慮。

～　完　～