立山雪壁之旅 – 立山黑部->室堂

Day 5  2010年4月21日 水曜日 下雨/晴　（10.1℃－18.2℃）

這樣就展開立山黑部的旅程，出發入閘入閘啦，

全程由立山駅出發至扇沢駅一共要坐六程，四種不同的交通工具，可以參考以下的圖片：

第一程電纜車立山至美女平，

我哋一入到車箱首先站在司機位的旁邊，一個非常好的位置，隨後整部車都很擠擁，車箱內感覺到被拉扯上山，

因為斜度很大整個人都很斜，進入隧道

好神秘的隧道．．．

７分鐘就到達美女平，

首先出去外面看看順便feel吓温度，嘩！好鬼大霧，仲有啲雨，我終於知道咩叫伸手不見五指，

相信當時只可以見到幾個身位的範圍，氣温又下降咗，喺時候換上雪褸，正好用來擋風擋雨。

（要講吓我哋的行裝先，我哋每人只有一個大背包，裏面就備有六天的服裝用品及一件雪褸，所以我的旅行貼士就是一定要用真空壓縮袋，100%好用，人肉真空亦非常方便，記住啦各位blog友）

唯有繼續往上去，繼續乘坐高原巴士上山，我哋會先到天狗平下車，到今晚入住的旅館立山高原ホテル放低行李，當然亦要睇個天啦，ベンさん在巴士車站內見到現時室堂的天氣預報，佈告版顯示漸變天晴，心裡亦有點疑惑，美女平天氣咁差，室堂會天晴？？向天狗平出發

要40分鐘的車程，初時一路上只見很大霧，

報告一吓現在我哋位於海拔1170米的高度，高度會不定期更新

慢慢亦開始見到矮矮的雪牆，山路又很窄，霧又很大，司機的技術真是一流，

巴士第一站先到彌陀原，這時天色已變得較清，雲亦不是很多，ベンさん一直在測高，之後到天狗平已經上升至2400米高，到達天狗平就落車到旅館立山高原ホテル放低行李，其實在下車時，就已經見到夢未以求的雪壁，我哋已經不其然張開大手在馬路上亂跑，但地上亦好濕滑，所以好小心，當時只是12:00左右，

雖然未到check in時間，但旅館職員話現在就可以check in，實在太好啦，即是可以先休息一陣，先通知旅館職員我哋會乘坐幾點的高原巴士到室堂，因怕無位，所以要先予約好，然後才返回剛才的巴士站坐大約10分鐘就到室堂，

我哋在巴士上已控制唔到興奮的心情，看著越來越高的雪牆，心裡只會說一句“嘩！我哋終於到咗啦！”這裡真喺要到一次的。

落車啦！落車啦！好多人呀！整個室堂駅內都是人，真是插針都插不入，有很多旅行團，我哋暫時不與他們糾纏，先到樓上吃過午餐先，現在13:00左右，餐廳門口好似寫著最遲的order至14:00，所以決定在門口等位，不過好快就到我哋，點咗三個餐

海鮮飯，好新鮮

白蝦餅，又香脆又美味，價格又唔貴，白蝦是富山縣的特產，一定要試的。兩個套餐才3400円。

在室堂的餐廳午餐，仲可以有靚景倍你食，

食過午餐，步行上多一層仲有個展望台，不過好厚雪步行時要好小心，

人很多，亦有很多成身滑雪裝備的日本人，好有型呢？

之後先在ホテル立山後面的雪の回廊遊玩，

好多滑雪者都會從這裡上山滑雪的，另外從這邊亦可步行到山上的室堂山莊旅館，但在天氣差的時間，喺好困難的，考慮到這點所以我哋無選擇這旅館。

在這條雪の回廊，我哋已玩得好開心，因為這裡人少一點，我哋可以四圍走，又玩雪，又打手印，

之後環繞雪壁走一圈，從大谷入口進入大谷ロード，整個大雪山的景色，好大，白雪雪的，雖然雪地好難走，但好舒服的環境，

真的美妙極了！

因相片太多，要睇大雪壁要睇下一part啦！