立山雪壁之旅 – 立山駅

Day 5  2010年4月21日 水曜日 下雨/晴　（10.1℃－18.2℃）

一早起身，第一時間睇睇天氣，噢一樣是下雨天，本來想坐小火車遊覽黑部峽谷，可惜雨太大，都喺決定放棄，泡個早湯後，食埋早餐先啦!

簡單的早餐，當然最喜愛這個温泉蛋啦，

這個魚亦唔錯

飽餐後，checkout時順便問問可否送我哋出駅，他們非常樂意，仲送我哋出門口添，以下這位就是招待我哋的嬸嬸。

這架就是遊覽黑部峽谷的小火車，因為是開放式，所以落雨就比較麻煩，慳番啲時間去下一景點好過囉！

好有動感的小貓咪．．．．(失焦)

好在有得接送，否則實變落湯雞。原定去立山要轉車的，但因剛好9:00有班急行直達立山駅，加少少急行料金就可以免郤轉車的麻煩，太好啦！

這架車都幾古式的，仲有開汽水的位置，都幾有趣的

大約兩小時的車程，火車一路往山上駛去，天氣一直無好轉，而且仲越來越大霧，

終於到達立山駅，

一下車已感到氣温降咗幾度，但還可以接受，駅內已擠滿了好多團的台灣及日本國內團，好多人；先到以下駅的門口旁邊買車票，

按我哋的行程當然先購買單程立山駅至扇沢駅的車票（票價8060円)，買票過程好簡單，買票後職員會問你現在打算予約坐幾點的車到美女平的，予約好就可以準備上車啦，

仲有本小冊內有兩張名信片及可以用來蓋紀念章的；之前都有參考過其他BLOG友話，立山黑部內的各乘車口都有分個人及團體通道的，而我哋排個人通道是最快可以上到車的，不過記得在開車前5分鐘就去排隊啦。

即將展開立山黑部之旅，出發啦！