立山雪壁之旅 – 富山 & 宇奈月

Day 4  2010年4月20日 火曜日 陰天/有雨　（10℃－18.0℃）

晨早7:00就要check out，因為要慳錢，所以唔坐特急，7:39坐JR到猪谷然後再轉車到富山，大約10:00到富山，其實同坐特急差不多時間，

在火車上就食咗以下的鯖魚壽司作早餐

一出富山駅就落雨，好在只是微雨，由於唔想行，所以試坐富山市的電車，之前在好幾個城市都坐過都幾好feel的，每程亦只是200円。

目的地當然是富山城，坐市電到”国際会議場前”下車徒步2分鐘就到，初時見到富山城鄉土博物館前的空地正在維修，加上灰灰的天，心知不妙，誰知見到以下告示才知今日更換展品休息，殘念ですね！

為有四處拍拍照留為紀念及到此一遊～～～

之後到城河沿岸欣賞餘下的櫻花，

在櫻花盛放時坐在遊覽船上應該是非常美妙的

而城河兩岸的櫻花亦已散落了，不過富山的景點並不是重點，想要試的只是富山有名的鮭魚寿司，

由於整個鮭魚寿司又好似大咗啲，因為時間尚早，所以只買咗以下幾件，果然唔錯，

另外還買了甜品，抺茶蛋糕亦非常好味

逗留富山只有個多小時，之後就出發宇奈月温泉，坐北陸本線12:15出發到魚津駅，步行往隔鄰的新魚津轉坐地鉄本線到宇奈月温泉駅

現在就向宇奈月温泉進發．．．．

個多小時就到宇奈月温泉，可惜天氣太差，時大時細的雨真的好悶，一到駅就見到這個温泉噴泉，熱水嚟架所以唔好行咁近。

見周圍都無咩好行，所以就打算回旅館休息或都泡泡温泉好過。當時只是下午二點多，我哋一到旅館ホテル桃源的門口已見到我的名字， 覺得好勁咁，

其實平日有些旅館都會show今日入住的客人名單出嚟，但今次隻字就好似巨咗啲。我哋先入內查詢可以checkin未，職員話要三點，所以我哋先放低重擔，然後往旅館後面的想影橋及宇奈月公園遊覽，一路行都見到盛開的櫻花，

步行幾分鐘就到想影橋．．．

途中又下雨，還在宇奈月公園附近的足湯泡了一陣，

等到雨細啲後，就回旅館check in.

~ 待續 ~