関西桜の十五 – 醍醐寺

4月2日(水) Day 4 晴れ  2.9℃-16.1℃

吃飽午飯，天色唔係幾好，原來由醍醐駅步行到醍醐寺都要10多20分鐘，仲要上山咁，好彩食飽飯，唔係邊有力行呀，因為開頭行錯咗條遠啲的路，所以好似好遠。最後終於都到達醍醐寺，門口已見到很多人，入面仲多。

首先寺內有條大直路，兩旁有些攤檔賣手信，但入到去唔會在意攤檔是賣咩野，你只會覺得被好多好多的櫻花包圍著，我哋覺得好高興，因為大半天都無見過盛開的櫻花，所以特別雀躍，另一方面人又太多，天氣灰淡淡的，影相真是麻麻地。

而醍醐寺在賞櫻期間，分開每個院或堂都要付費的，其中包括三宝院，靈宝院，金堂等(各料金600円)，可買綜合套票，亦可分開單一個地方買，由於價錢並不便宜，所以我哋決定只買三宝院的，料金：600円。

這一顆就是三宝院的枝垂櫻。

仲有一顆梅花

他們還將整個庭園，設做品銘賞櫻的地方，裡面的櫻花真的很靚，好多公公婆婆在內品銘，寫意極了。

踏出三宝院後，四圍影吓相，睇吓邊啲不收費的地方可以入去看看，我哋亦發現好多日本人都無買全套的入園票，所以好多人都在各園的門口位望望吓的，而我哋當然亦是四望吓有咩好影啦！

你哋睇吓，在這些通道上亦有很多的櫻花，例如靈宝院的技垂櫻在外面也可以看得很清楚；在這裏是看不到天空的，只看到櫻花，好在地方夠大，唔喺都迫死啦！

今日是京都賞櫻的最後一天，終於畫上了句號。

隨後，本來想再到清水寺行吓二，三年坂的，但回程由地下鐵到巴士，時間較長，巴士上亦很塞車，結果都趕不上黃昏前到達，所以乘車半頭已打消到清水寺。

繼續行新極京通，寺町通，錦市場等。先到寺町通，因為之前見好多blog友，影了一些小地藏公仔的相，好得意，所以今次特意去找找，都找了一段時間才找到，就是這一間矢田地藏尊，

雖然這間寺很細，但好特別，除了有這些小地藏公仔外，還有很多寫上捐獻者名字的燈籠；而小地藏公仔是可以購買的，買後在公仔的背面填上許願然後掛上便可。我哋無買，因為都要800円一個（都幾貴），因為只是一個布偶而不是石頭。

繼續左逛右逛，整條河原町同祇園一帶，又買咗啲京都手信，之後又到晚餐時間；由於在地圖上發現先斗町（位於鴨川旁邊）有很多食肆，走入去只是一條又長又窄的小巷，但兩旁都是食肆，居酒屋等等；

由於我哋未知食啲咩，所以整條町行了一次，每間店都好似好吸引，最後我哋決定返回最頭的一間店：先斗町いづもや，這是一間食鰻魚專門店，都幾有名的店，因為它位於鴨川旁，店後有一個露天的地方「鴨川納涼床」於5月1至9月30日期間開放，讓客人於露天的位置乘涼用膳，風景真的好美。

店員帶我哋到三樓蓆地和室，剛好觀賞到鴨川的夜景，各點了不同size的鰻魚套餐，果然傳統的燒鰻魚，真的好美味，好肥美的鰻魚，埋單都喺4095円，唔算好貴，都值這個價錢。

今晚要早點回酒店，首先要將幾日以來的衣服洗好（酒店地下有自助洗衣機，洗衣100円，乾衣200円），收拾一吓行李，明天離開京都，京都賞櫻之旅完結。

明日預告：姬路城，神戶，有馬．．．．．．．．．