4月3日(木) Day 5 晴れ 10℃-16.8℃
大家繼續鑑賞我哋的櫻花圖鑑啦， 因為影咗好多，又好想同大家分享，希望大家唔會覺得眼花花罷！
我哋都好不捨地離開，走的時候越來越多人，當時大約11:30左右，而下一景點當然去神戶吃神戶牛做午餐啦，上一次食過，真的好回味，今次當然去翻同一間店モーリヤ 三宮駅附近的，價錢唔貴絕對值。叫咗兩個相同的set餐，這件肉二人份量所看來好大舊，埋單7XXXyen左右。
食飽飽，由於時間尚早當然四圍行吓啦，於三宮駅附近的joshin ，睇吓有咩玩具買，又行吓kamo店，左行右行時間仍然很多。
於是把心一橫不如去吓北野異人町，由於無帶詳細地圖，只有一張好簡單的地圖，可是步行方向正確，但硬是行錯隔離街，硬是多行很多路的，雖然最終都去到，但到達時又覺得無咩好影，因為我哋都喺鍾意一些古撲風味的景觀，所以真的一張相也沒有影。
隨後順路地離開返回三宮駅的巴士center ，坐阪急バス（有馬温泉）方向，目的地當然是有馬溫泉，16:20準時出發，一路都是一些上山的路程，左搖右擺，大約17:30到達有馬溫泉的巴士center，立即致電今晚入住的旅館，陵楓閣 一泊２食，露天風呂附客室，44100yen，整體上都ｏｋ，不過去到才知哪個客室附的露天風呂並非溫泉水，所以有點失望。後來經我詳細研究原來有馬的溫泉旅館，大部份客室附的露天風呂都不是溫泉水，所以book房時要留意。
環境都很好的，但我哋兩個皮膚開始有些痕癢，ベンさん較嚴重，所以都無去大浴場浸，可惜可惜。
晚餐首先來個櫻花酒（這個酒都幾高濃度），一些前菜等等十幾品，味道十分好。
尤其喜愛以下的飯（帆立貝，豌豆飯），同埋黑豚豆腐鍋，正！
雖然這個露天風呂不是溫泉，但這個環境同埋咁低的氣溫下泡吓亦十分好，所以都泡了好幾次，食埋個甜品都好滿足。
回想今天4月3日，ベンさん好像有樣野唔記得講同唔記做喎，其實今天是我麒麟大師的生日，ベンさん由早晨到最後晚餐都無同我講生日快樂同送禮物，雖然今天過得好開心，但都覺得差啲野，不過都過去了，禮物之後亦有補送，就放過他啦！
明天預告：有馬溫泉古街遊，日本橋，難波一帶shopping………
12 comments
發表留言
Author
woodson799@yahoo.com
Related Posts
睇住你呢日旅程，真係好有親切感！！！(我上年都有類似的行程) D姬路城櫻花相靚到可以做Wallpaper!!!
無錯, 無論屋企或是公司的電腦同樣是櫻花的wallpaper,見到啲櫻花就聯想到當時幾開心!
我12月都會到有馬,,都想book 呢隻露天風呂, 想請問這個客房裡有獨立浴室嗎?? 謝
這間房是沒有獨立浴室的, 洗澡的地方都在露天風呂旁邊的.
你好呀! 我正在找淩楓閣的資料, 所以到了你的卜. 很有用呀, 謝謝.
我正在考慮住有私人風呂的房還是普通房, 因為價錢都差了一大截. 我想請問一下:
– 該私人風呂是否很小的呢?
– 你住的房間是不是叫"羽生" (我在另一個卜看到的)? 是不是在地下? 該房的窗外景色漂亮嗎?
– 沒有獨立浴室, 但有厠所的是嗎 (對不起, 問這樣的問題, 但這對我很重要啊). 還有, 淋浴的地方會不會太開揚?
– 有些網上的人說這間地方很殘舊, 有些又說可以. 是不是真的"殘"? 其實舊是OK的, 只要乾淨就可以了. 其實, 這旅館可以嗎?
謝謝你呀! 好希望聽到你的意見呢! 真是麻煩你了. 一直在猶豫應該選那一間有馬的旅館… 很煩惱..
接上則
陵楓閣的客室付風呂不是温泉水, 所以如果你想平啲, 其實可以不選擇客室付風呂的房間. 陵楓閣有一些住房的優惠, 例如:2010年新建的房間是和洋室+貸切風呂(即包租風呂1次約40分鐘的金湯)都幾好, 當然選擇不同房間會不同價錢啦. 可以到以下網站睇睇: http://www.jalan.net/uw/uwp3100/uww3101.do?screenId=UWW3001&yadNo=327370&minPrice=0&maxPrice=999999&rootCd=7701&dateUndecided=1&stayM
-通常客室付風呂都會在室外沐浴的, 但大家可以放心, 日本人好貼心的外圍的佈置是絕對唔會有人見到你的.
-好多時無獨立浴室, 其實會有花洒浴的,厠所亦一定會有,除非寫到明是無啦! 但如果無這些設備的話,通常都會好平的.
-這個旅館唔算殘, 各方面都OK的. 仲有一定整潔.
-其實仲有其他旅館可以考慮的,如: 有馬温泉 竹取亭 円山 , 有馬温泉 兵衛向陽閣 , 或者在這網站慢慢揀: http://www.jalan.net/uw/uwp1400/uww1400.do?stayYear=&stayM
以我個人意見, 我會選一些細規模的旅館, 亦不會選很多香港旅行團會到的旅館, 這些就算無客室付風呂或出租風呂時, 到大浴場泡温泉都唔會有太多人. 我哋曾在中部一帶的旅館泡温泉, 可以一個人包哂整個大浴場, 真
喺好爽的.
有問題再問我..
嘩.. 好詳細呀.. 真係好由衷心感激你呀!!
明白晒.. 睇完你既解釋我好放心啦.. 其實我都係好似你的想法, 想到一些較細和沒有香港人包團的温泉旅館, 體驗一下當地的風情.. 好多謝你的介紹呀.. 其實向陽閣同竹取亭我都有諗過, 但係前者有國泰package, 竹取亭都好好, 但係睇嚟好似比較大同有規模.. 好似都係鐘情陵楓閣多啲.. 而家睇埋你既講解, 就好放心..
其實我留完message比你當晚之後, 我寫左e-mail(英文加少少爛日文) 比陵楓閣問佢可唔可以e-mail book房, 但係今日都重未有回音.. 自己再上網book又怕double booking麻煩了人家.. 是不是這些温泉旅館覆e-mail會比較慢的呢?
通常佢哋唔會立即覆, 不過你有加少少日文應該都會覆你的. 但你想book可以到 http://www.jalan.net 內予約都可以的, 你輸入入住的日期, 睇睇有無房就可以, 除非你想指定邊間房, 才需要email給他們. 如果唔喺, 你俾你想入住日期我, 然後幫你check check, 再回覆你…..
hahaha.. 陵楓閣覆左我啦.. 哈哈哈..
要同你講聲唔該呀!! 你真係好好人.. 多謝晒你呀!!
唔使唔該!