関西桜の十一 – 二条城, 嵐山

4月1日(火) Day 3 雨/曇り/晴れ 4.2℃-12.8℃

今日七點多起床，由於予約了嵯峨トロッコ列車（トロッコ亀岡発→トロッコ嵯峨行き）11:18乘車，時間尚早所以打算先到二条城睇睇啲櫻花開未，因為我哋住的酒店都幾近二条城，再者要坐JR到馬堀駅，所以一舉幾得。

但當我起床梳洗後，見到ベンさん好像有啲唔妥，一問之下他說有啲暈，又有啲想嘔，幣啦！點算呀！抖咗一陣，洗個面後再嘔咗幾野（氣體同水），好似精神了一點，可能是昨天冷親，但終於8:30可以出發啦。

首先乘巴士到二条城（入城料金：600円），初時都幾好天，

庭園內的櫻花還未開，意思即是今晚唔使嚟睇夜櫻啦，

行行吓，仲落起大雨，大到要避雨（因為驚ベンさん真的冷病，病咗邊個幫我拎野呀！哈哈）

啲晴天公仔都捱不住了．．．

9:30左右離開二条城，步行10多分鐘往二条駅，但在徒中有發現，就喺原來有一些100円汽水機，之前沒有見過，100円支汽水或其他飲品真的很抵買，所以未來的幾日我哋都故意找100円的汽水機，不過熱鬧的旺區通常都無。

到咗二条駅，這個駅的屋頂結構好特別，細心看原來用木搭建再用鐵架支撐的，幾特別。

10:00 二条（京都） － 馬堀 19分鐘的車程，還有時間可以搵翻上一次去的咖啡店吃早餐（就在馬堀駅附近的），滿懷歡喜的時候，走近該咖啡店發現今日休息，AH!咁樣會好肚餓喎，不如在便利店買個飽食飽就算啦！當我哋仲企響咖啡店的門口時，有位好心的叔叔同我哋講，想飲咖啡？當然答喺呀！叔叔話前面仲有一間，跟我一起來啦，於是我們就跟著他，果然很快就到，店舖細細，環境不錯，店員就更親切，點了兩個吐司SET餐，件吐司好好味，埋單1000円。

吃飽返回馬堀駅沿著指示牌路經芥花耔田，買吓手信仔等吓車，等車的人很多，仲有時間去蓋印仔。

列車就快到，車長做好準備，今次又係坐２号車

一路上大部分的櫻花都未開，

難得至影到一張已開的

到達嵐山駅下車，一下車就下大雨，大到不能再行，休息一陣

雨過天晴，最出名的竹林，今次的相比上次影得靚好多

天龍寺上回已到過，本來想過不入去的，但ベンさん話啲櫻花好靚喎，入去看看罷，入園料金：500円

影咗咁多相，天龍寺又點可以唔入呢？

離開天龍寺往渡月橋方向有很多食肆及手信店，當然會去まゆ村買用蠶繭做的小擺設，做手信最好，仲有好多有京都風味的日用品等等．．．．．

從渡月橋望向嵐山的風景真的好靚（可惜唔好天）

行過渡月橋到達中の島公園及嵐山公園，都是種滿櫻花樹，仲有很多小食檔，

約下午1時多，返回京福嵐山駅附近醫肚，好多間都好多人，終於找到少啲人的店舖，有樓梯要上一層的，名叫：嵐山百足屋 ，點了兩個黑豆湯豆腐定食，埋單4200円，湯豆腐都好滑尤其下圖的黑豆蒸飯好好味。

是日下午預告：京都御所，下鴨神社．．．．