Day 1 (3月30日,2008) 日曜日
一早起床，在家很無聊，左check吓，右check吓，睇下有無帶漏野，吃完早餐再吃午餐，終於等到夠鐘，我的麒麟櫻花大匯演旅日記，Day 1可以開始啦！
13:15 從屋企出門，乘的士很快便到澳門機場，今次選擇澳門飛真的他條很多，又不用趕船，趕車等等，因為這樣又花錢又花時間，好在澳門終於有日本直航。
15:00 乘坐澳航NX838出發，準時起飛（可能機仔細細，乘客應該不足100人所以登機很快)，未起飛已差不多瞓著，因為我哋的位坐正緊急出口，完全沒有窗，實在有啲悶，所以唯一娛樂只有瞓覺。至於飛機餐都可以食得吓，尤其個牛角飽最好味。
19:10 一舜間，我們又返到鄉下，景然早咗咁多到達關西空港，不過着陸後，機長話空港交通繁忙，要兜圈成5分鐘才可停泊，結果19:25才出到去過關。嘩！打咗幾個蛇餅，嚟個時間都咁多人過關，心想又要影相打指紋，咪要等好耐？等咗差不多20分鐘終於到我哋拍照及打指紋，原來都好快好簡單，過關後好快就取咗行李；但到Check 行李嗰度，個姐姐問咗我哋好多野內容包括：
海關：你個背包在邊到買架？（ベンーさん個背包是headporter，海關姐姐好眼利，一眼便看出，所以她問咗這個問題）
海關：（ベンーさん還未回答）海關姐姐拿著我們的passport左check 右check，她見我們之前到過日本三次，又再問是否在新宿買？之後又問有沒有導遊？
ベンーさん：是從日本買的，我們是自由行沒有導遊的。
20:10 就這樣都花了一些時間，我們想也不想便立即到南海電鉄駅，但一到室外都幾寒，本來預算可以乘坐20:14哪班車，但太趕，都是坐下一班20:41空港急行至難波890yen 雖時48分，順便去一去洗手間，到月台已經20:30，已經有車，唯有坐著等開車。
21:30 到達南海電鉄難波駅，出到地面發現有啲寒又有啲雨，立即依著酒店的位置指示，不到5分鐘便找到フローラルイン 難波，check in 後，立即上房放低行李，房間有19平，這是舊酒店再翻新，所以環境一般，只雖7000yen一晚的double，尚算ok啦！
21:50 立即到道頓堀揾野食，找了一間吃河豚的食肆，因為很多食肆11點都關門，所以一找到就不想了，立即入內醫肚先啦。不過都幾好味，埋單：3480yen
跟著吃飽飽，周圍行吓，到各拑公仔店看看，見到可愛的大塚愛的免仔好得意，試試拑吓，由於我哋之前都未玩過，所以都想試吓，點知．．．交咗1500yen的學費，最終都失敗，雖然眼看好似好容易，但都差啲，唉！都喺算把啦，交咗學費心情有啲失落，行多一陣就返酒店瞓覺。
明日預告：京都行
13 comments
發表留言
Author
woodson799@yahoo.com
Related Posts
http://hk.myblog.yahoo.com/
哇，好羡慕呀．．．又去日本啦．．．我都好想去呀．．．
哈哈，雖然我對上一次去係兩個幾月前，但係感覺好似好耐冇去過咁，又想去呀．．．
哇，好羡慕呀．．．又去日本啦．．．我都好想去呀．．．
哈哈，雖然我對上一次去係兩個幾月前，但係感覺好似好耐冇去過咁，又想去呀．．．
D食物好似好好味咁呀……..我未食過河豚，是否真的特別滑呢!
終於有遊記喇~ 我仲都未開始寫…哈
你有食河豚..今次我無食呀, 下次再去一定要品嚐一下先
本來都無咁快寫架, 點知突如其來的"浣熊", 使我有一天困在家中,無所事事, 唯有將最易寫的day 1寫出來了, 我都期待你的遊記, 努力呀
是好爽至真, 你下次去一定要試吓啦!
您好呀…
我想請教下你…有關 フローラルイン 難波 的問題…你對呢間酒店的評價如何? 值得住嗎?
例如: 交通方面, 離地鐵站/南海電鐵站遠嗎? 如果拖住個喼行過去方便嗎? 會有好多樓梯嗎?聽講以前佢的大堂係2樓, 需要拖住行李爬樓梯先check到in…而家呢? 有改善嗎? 仲有行去道頓堀和心齋橋是否都很近?
環境如何? 好似係2006年重新翻新過, 咁裡面的房間真的如相片一樣咁新淨嗎? 咁其他設施呢? 會唔會只有部份翻新, 部份地方依然咁舊? 最重要一樣野, 就係佢房間乾唔乾淨?
咁多問題, 真係唔好意思啦….因為而家仲心大心細, 本來已經BOOK左CROSS HOTEL…但見呢間酒店足足平過CROSS一半…真係有D心郁想轉…
在網上見佢的房間好似都唔錯, 唔怕太舊, 而且地理位置好似都幾好咁, 和CROSS差唔多…其實之前揀CROSS的原因除了佢在網上的評價唔錯外, 最主要就係佢門口有直達機場巴士, 所以回程個日即使有好多行李都唔洗怕…但唯一缺點就係價格唔平, SEMI-DOUBLE平均一晚都要14000YEN…都幾貴…
フローラルイン 難波 , 這間酒店在價錢上絕對值得住, 交通方便, 又近道頓堀, 我的評價, 都ok, 雖然06年翻新並改名, 事隔兩年,房內有少少舊,但都很整潔, 而lobby依然在二樓,有電梯-早上時落, 下午時間向上, 其實都很方便的, 因為有19平的double房都算大. 交通:只要由機場搭南海電鐵到難波駅下車,向著namba city piaza的出口到地面,望向左手邊或後面就會見到南海通商店街,一直向前行見到十字路口轉左邊就會見到bic camera然後過馬路, 右手邊直行會見到黃色人仔"s"字頭的便利店旁邊就是.
但是如果要同cross hotel比較, cross當然豪華多,之前我住過未裝修改名前,都已經覺得好正,有24平咁大, 以前無咁貴. 裝修攺名後,貴左好多,本來這次我都想住cross,但太貴取消了.而且宜家的cross真是好正. 交通方面:第一次住cross hotel 的前身時,都係想搭機場巴士,貪佢可直達門口,但當日到著時,剛巧沒有這班車, 好在有plan b, 就是改搭OCAT,價錢仲平啲,不過要行遠啲,如有需要再詳細解釋你知點行.
所以揀邊間,最主要睇錢做人啦, フローラルイン 難波 都唔錯, 不過你package包咩酒店呀,如果喺package包一定揀cross hotel. 比較低. 如果我有時間一定幫你睇睇有咩新酒店開業.
多謝晒你呀…解釋得好詳細… 我諗睇錢份上, 應該都會轉去floral inn hotel啦…事關真係平成一半… 我唔係買package的…而係買淨機票, 再自已上網訂酒店… 因為最近澳航做緊promo, 30日前網上購買大阪來回機票, 未包稅每人都只係mop2399…係唔係好抵呢…有無心郁郁想即刻再去多一次呢? 哈哈…
我平時都有留意澳航的平機票, 2399真喺好抵,但我想12月去到時又加至4千啦!有時覺得淨機票都幾好, 事關旺季唔使加附加費. 你今次的行程會去邊呢? 會唔會有啲我未去過的地方呢? 咁等你返來又可以交流一吓!!!!
我今次會到大阪, 京都, 白浜, 勝浦, 神戶和姬路… 其中白浜, 勝浦, 神戶和姬路就打算自駕遊4日3夜… 仲有差唔多一個月就要出發啦…所以而家正在努力上網搵資料囉… 如果我遇到問題, 可以請教你嗎? thanks…
當然可以啦!!!!!!!!!