東北．尋秋行．~ 三鷹の森 ジブリ美術館

Day 8 (6/11/09,金曜日)  晴れ 東京 10.6℃ / 20.3℃

今日終於可以7:30起床，8:30先checkout 再放低行李，到附近的Cafe食早餐，吃飽飽出發去三鷹の森 ジブリ美術館，在三年多之前都到此一遊，所以好快就行到去目的地，未夠鐘已有好多人到咗等開門

第一場入場時間10:00，在我哋後面仲有好多幼稚園仔，好得意呀！

大約玩咗兩小時就離開

先到池袋的KAMO睇睇有咩買，可惜無收獲，四圍逛逛最後在地下街食咗咖喱飯都午餐，都幾好味；

下一站上野，今次到上野除咗到アメ橫外，就是要去睇電單車用品店，於日比谷哪邊有好幾間賣電單車用品的店舖，最好的是頭盔任試，試到啱先買，ベンさん試咗一兩款，雖然最想買的哪款沒有ベンさん的size，但因價錢都合理，所以最後都買咗一個，這個頭盔就成了ベンさん的生日禮物。

之後去アメ橫逛街，大約下午5點多就返回浜松町的酒店取回行李，在大堂Pack埋啲戰利品就到東京モノレール駅，拖着行李行到上月台，

嘩！使唔使咁多人呀，仲要大部份都喺西裝友同日本人，好在モノレール班次好密，所以等幾分鐘就上到車，20多分鐘就到羽田空港，本來都想在Terminal 1 /2行行，但見時間都唔喺好多，所以決定立即坐無料巴士入國際線Terminal，checkin後食少少嘢，跟著20:15就要入閘上機，20:45準時起飛，00:25到達香港，過關好快，不過等行李就耐啲，立即飛的士去碼頭，仲可以趕到1:30的船返澳門，終於3:00返到屋企，比預計中的早，十分順利。

八天的行程，真喺唔夠，如果工作可以放低的話，真喺想嚟一次14天的行程又怎樣。剛回來就已經有無數的PLAN在腦內，需要逐一逐一實現。

   ~~ 完 ~~