東北．尋秋行．~ 五色沼

Day 7 (5/11/09,木曜日)  磐梯熱海 陰 5.8℃ / 19.3℃->>五色沼->>東京

一早起床，第一件事就是睇睇玄關位的櫃，到底有咩睇，因為會有免費牛奶同報紙，昨日招呼我哋的嬸嬸話今早會有牛奶送上的，令人感到好滿足；

咁我哋一早泡泡温泉，再飲支100%純牛奶真喺好開心。

之後到餐廳食早餐，有客室付風呂的房間，早餐都會豐富些，除了預設的早餐，仲可以到自助區揀選沙拉或其他西式類的食品，都唔錯的。

食飽飽休息一陣，再泡多次温泉，真喺寫意極了。

又喺時候checkout，其實旅館的門口都有個足湯，但我哋無試。

要搭08:46往猪苗代25分鐘車程，剛好落車再塞埋入Locker時間剛剛好趕到9:20的磐梯東都バス往五色沼，差不多半小時才到達五色沼入口，有考慮過坐熊仔巴士入裏磐梯，但可惜時間不合搭唔到。

於是向五色沼出發，入口處附近的案內所旁邊都有唔少的積雪，應該是前兩天的寒流所造成的，所以地面都有少許濕滑。

首先會見到一顆好紅的楓樹，亦是整個五色沼最靚的紅葉

毘沙門沼

當中分咗好幾個沼：青沼，瑠璃沼，弁天沼，みどろ（深泥）沼，赤沼等等，

五色沼當然是有五種顏色的湖沼，天氣亦唔錯，所以遊人亦很多，果然頭一段的風景比較靚，我哋足足行咗兩小時左右，

行到中午都有少許肚餓，先到終點的手信店內買咗小食填肚，

之後就搭12:44的巴士離開，返回猪苗代13:17，剛好又趕到13:37返回郡山駅。

一切都好順利，取回昨日存放Locker的行李，再到綠色窗口予約回東京的新幹線車票。予約咗14:55回東京，買咗個炸豬扒三文治，肚仔餓所以在月台等車時已將個三文治消滅咗。

16:44回到東京，再轉車回浜松町的酒店ホテルマイステイズ浜松町，我入住的是一張床的雙人房，雖然只有16平方米，但不覺得細，而且是新開的酒店，所以非常有現代感，浴室亦算大。

先check in 休息一陣再去shopping。這間酒店唔喺好大，但好有日劇中的住宅feel，房間都幾好，可能喺新酒店關係，比較modern。

休息過後，立即到中野，ベンさん的shopping時間，差點無咗break，但都控制到。返回酒店前到一到東京tower 影吓相，之後就回去休息了。

明日預告：行程最後一天．．．