東北．尋秋行．秋田角館

Day 2 (31/10/09,土曜日)  奧入瀨 晴れ 3.5℃ / 12.3℃ ->>秋田角館 5.9℃ / 18.4℃

回酒店取行李，到巴士站等車，玩咗足足一天的奧入瀨現在要離開了，充滿負離子的清新空氣真令人懷念。

14:43-16:15 乘巴士回到八戸，

16:57-17:35 搭はやて到盛岡，由於到角館的車要等成個鐘，所以在站內的店舖買咗啲手信，無所事事四圍行。

18:24-19:12 搭こまち到角館，氣温好像又下降了幾度，一到角館立即回駅前的酒店 フォルクローロ角館CHECK IN，我都未俾予約的資料佢已經知道喺我，真聰明，該酒店只有兩層，我哋的房在地下，雖然在路軌旁，但每小時只有一班車，嘈極有限，都喺一間唔錯的酒店。

房間都算大的，以下同我哋當晚住的一樣，雙人房11930円一室包早餐，約有23平方米（因忘記影相，該相取自酒店網站的）

休息一陣，就出去睇吓有咩店舖食野，其實事前都知只有一些居酒屋，亦可以於酒店的餐廳食，最後我哋去咗Lawson買咗啲小食，同埋順便買定三鷹美術館的門票。今晚仲要洗衫，所以早啲回酒店，洗衫，食野，瞓覺，又一天！

仲有喺要品賞於盛岡駅買的兩個海鮮漬，味道較咸，配個在Lawson買的飯團就剛剛好。

Day 3 (1/11/09,日曜日)  秋田角館 雨 13.5℃ / 20.5℃ ->>鳴子温泉 11.0℃ / 24.0℃

07:00一早吃酒店附送的小型自助早餐，一心想早啲去武家屋敷一帶會少啲人，影相都會靚啲，但一早個天已經黑沉沉想落雨，食飽就立即出去。

由駅步行若15分鐘左右就到，果然只有 一兩 個攝友在拍攝，可惜陰天，

短短停留咗10多分鐘，突然下大雨，但只是幾分鐘就停了，繼續往前走，拍下照，但効果並不很滿意．．．

行完整條武家屋敷後，行吓去檜木內川，當櫻花季節檜木內川旁邊會開滿櫻花（以下相片取自http://www.kakunodate-kanko.jp/sakura01.html），

但現在就落滿枯葉，雖然滿地都是枯葉，但都幾有詩意。 

在幾有詩意的同時，刮起幾陣狂風，樹葉撲打面上都幾恐佈，因為狂風由四方八面吹來，迫使我哋只好離開返回武家屋敷，但特如奇來的狂風不只是檜木內川，武家屋敷的街道都舖滿樹葉，風雲色變的感覺使人恐懼，雨勢亦越下越大，好在我哋都有帶備雨衣，

本想遊玩多一陣才回酒店，但這個情況唯有立即回酒店梳洗吓先，準備下一站的行程，就這樣我們就離開角館了。