東北．尋秋行. ~ 奧入瀨溪流, 十和田湖

Day 2 (31/10/09,土曜日)  奧入瀨 晴れ 3.5℃ / 12.3℃ ->>秋田角館 5.9℃ / 18.4℃

06:00 一早起來立即又到露天風呂浸一浸，早上就睇清楚，整個景色好靚，又有紅葉襯托，咁早就只有一位嬸嬸在浸，好正。

07:00 早餐時間，又喺自助形式，一般並且沒有期望，食飽就算啦！但餐廳外與溪流之間的步道又幾靚，吃飽出外影幾張紅葉靚相，但幾寒吓，好在有着够衫。

之後回房收拾好行李，check out後暫存行李於酒店，又出發！

由於今日同明日是奧入瀨溪流的無私家車日，因此加多咗由燒山至休屋的接駁巴士，隔20分鐘左右一班車，今日搭車特別方便。

08:45 已有第一班車，約50分鐘車程到達休屋，先到十和田湖遊覽，

步行十五分鐘就到乙女像。

咁早已有 一兩 團的台灣遊客，太多人影相較困難，所以等咗一段時間少啲人再影。

10:30到十和田湖駅坐巴士回子ノ口，由子ノ口向燒山方向行，

子ノ口落車後，一路往燒山方向，先到達子ノ口の水門附近

接著是万兩の流れ，千兩岩，五兩の滝（其實在相片中都分不清），

紅葉亦越來越多。

由子ノ口步行30分鐘就銚子大滝，未到之前已聽到好大的瀑布聲，就知道好快到，嘩！果然喺好大的瀑布，亦真的非常靚，還有少少紅葉襯托，好正。

九段の滝

白系の滝

12:30 一直步行到雲井林業，整條溪流都差不多行哂

決定乘巴士回燒山，在燒山的手信店我同ベンさん各買咗個熱辣辣大包，好味道，食食吓才發覺內含有蒜頭，又多料好好味；賣小食的嬸嬸都問我哋好唔好食，當然喺好食啦！跟著又問我哋邊到嚟，各樣各樣傾得很開心，之後嬸嬸仲俾咗啲唔知咩薯我哋食，都幾好味，真喺多謝嗰位嬸嬸。

仲有個多小時才有巴士返回八戸，所以走去出合い橋睇吓，可惜啲葉差不多落哂，行咗一圈就離開；

出合い橋

總結整條奧入瀨渓流，真喺好靚，每個瀑布及溪流都使人留下深刻印像，紅葉雖然不是最紅的時候，都很滿足了。再加上每個碰面的日本遊人都會向我們打招呼，十分親切。

待續~~