東北．尋秋行．~ 奥入瀬渓流 – 雲井の滝から

Day 1 (30/10/09,金曜日) 東京 ->> 奧入瀨  晴れ   12.6℃ / 20.4℃

終於13:15 到達燒山，先到今晚入住的旅館奥入瀬渓流ホテル (備註此時未翻新的)旅低行李，只帶相機同支腳就向奥入瀬渓流進發。由於巴士未到，先到手信店買少許乾糧同水。等車期間買個軟雪糕食吓先。

13:58 今日打算只行半程，所以會在雲井の滝下車，向燒山方向遊覽，

在巴士上看兩旁的紅葉都好靚；14:13 到達雲井の滝，

奥入瀬渓流,

飛金の流れ ,

平成の流れ, 阿修羅の流れ

15:49 步行到馬門岩，決定上巴士到石ヶ戸，遊覽完石ヶ戸附近的景色，休息一陣吃個包，等下一班巴士回燒山。

17:05 開始入黑，氣温亦開始下降，巴士還未到，只見一些工作人員為未來兩日的無車日(奥入瀬渓流エコロードフェスタ- 當日所有私家車通行禁止)做準備，人同車都越來越少，結果該班車遲咗5分鐘。

好快就返到燒山，立即回酒店奥入瀬渓流ホテル上房休息，可惜俾唔到向溪流的房間。

在未吃晚飯，我同ベンさん各自到露天温泉浸一浸，環境都幾好，景色就睇唔到因為已入黑，浸的人唔多，都幾舒服，把整天的疲倦都浸走了。

19:00 晚餐是自助餐形式，初時都好期望有好多款式，但是都只是一般，最正就只有燒牛扒、天婦羅（野菜，蒜頭）、燒帆立貝。不過要提提天婦羅蒜頭又幾好味，當地的蒜頭無咁刺味，好易入口，唔錯。不過晚餐就有啲失望。

食完晚餐後到賣店買咗支100%的林檎汁(即蘋果汁)，

酒店的Lounge 森の神話，好大的火爐同煙囪真的好靚

回房已舖好披，歎埋支林檎汁就瞓啦！明天請早！

總結昨晚同今日計起來由船、飛機、電車、新幹線、巴士一共花咗21個小時才到達青森的奧入瀨。你都米話，我都覺得自己好勁，一啲都唔累，到達奧入瀨後，仲可以立即入奧入瀨溪流行咗三粒鐘，犀唔犀利呢？

~ Day 1 完 ~