東海逍嘆之旅 ～ 閒遊名古屋

Day 8 (3/1/09,金曜日) 名古屋  晴れ   1.4℃ / 10.2℃

今日無plan，所以自由活動，昨晚已考慮過想再到大須觀音shopping，同埋想到一個二手玩具店shopping，昨日到過是休息日，1月3日12:00才開門；結果今日8:00左右先Check out 酒店房，先寄存行李再出外，於地下街吃過早餐。

之後先到市役所前駅下車，步行到名古屋城，咁遲出門口因為名古屋城九點才開門的；べんさん話以下這張相可以寫個俳句於天空的位置，幾有詩意喎！但到現在都唔知佢想寫咩，等吓啦！べんさん新作…………………………………….

一場嚟到當然要入城睇睇啦！入城料金500yen，由於都是重建的關係，其實同大阪城類似，但內裡有條舊江戶街都幾特別。

參觀完城內，於城外走了一圈，環境都幾好

於護城河的位置仲見到有幾隻鹿在活動，但當時都幾曬，所以啲鹿都躲在陰處，所以無望真牠們。

在我哋離開名古屋城時，在路邊就遇到這隻好cute的貓，

市役所駅的外觀都好有特色。

之後就回大須觀音駅，同昨日一樣咁多人，但參拝的人少了一點，我哋立即先到觀音前祈福，

祈福後，到商店街購物，再到まんだらけ(MANDARAKE)，好多中古的野賣，べんさん最高興，未够鐘已大排長龍等開門，由於未開門，我哋先在附近的拉麵店醫肚，食飽飽剛好開門啦，好快買到心頭好就趕快離開。

立即返回酒店取行李，再重新PACKING後，乘名鉄空港特急到中部空港，大約下午2點多到達空港，Check in 後仲有好多時間到手信店shopping，http://www.centrair.jp/restaurant/index.html　

有好多店，如果之前未買够手信的話，相信在這裡可以補購，我最欣賞的是賣蝦餅的店　えびせんべいの里，可以任意試食，價錢又平，最啱做手信。

好快就够鍾16:50 乘坐CX531回港，但因為直航無機位，所以這班機要在台灣停一小時，所以差不多要22:10才到香港。

起飛啦! 又完滿地完成了第五次日本之旅，今次滿足了大雪的感受，又為我哋的回憶增添咗好多美麗的畫面．．．．．

多謝各位睇完我的遊記，但是日本的旅程依然會繼續的，正所謂唔結束，又點會有開始呢？好快又有下一個旅程，請耐心等待。