東海逍嘆之旅 ~ 白川鄉

Day 6 (1/1/09,木曜日) 白川鄉  雪  -4.1℃ / 0.8℃

大家仲記得之前Day 5的早上，路經白川鄉時所影的相片嗎？以下這張天朗氣清真的好美，對嗎？

今天一早check out，先到金沢駅揾早餐食，可能是元旦日，大部分都無開，所以最後只好到便利店買飯團填飽肚便算了，接著便到駅前的巴士站乘坐去白川鄉的巴士，準時8:40出發，路途中天氣都唔好，陰天及有雪，大約1小時多便到達白川鄉的荻町エリア，嘩！咁大雪，落車時都唸緊點算呀！

首先在巴士站附近的觀光案內所停一停先，唔知是否因為落大雪，案內所內有很多人停留，先蓋印仔，由於外面太大雪，只好先購入一把傘，否則絕對不能走出室外呢？

大家睇睇，喺咪勁大雪呢！！！（第一次見到落咁大雪，好犀利）好不容易才橫過這條であい橋，

秋葉神社

路兩旁的積雪都很厚，路面又很滑，真的舉步為艱呢？我哋只好見到路就行，行行吓見到有位伯伯在拍攝這顆杮樹，我哋又試拍，都幾有詩意．

行咗一段時間，開始覺得有點凍，同埋啲雪好像越來越大，路經和田家，好像當日休館，接著繼續行，到達神田家，想也不想立即入內參觀，其實最主要是想暖一暖身及休息一下．

神田家內，先在火爐旁取取暖，飲杯茶，然後四圍參觀，這些合掌屋的地板真喺好凍，往第二層及第三層參觀，所行的樓梯都好似好危險咁，地板的聲音，果然是好特別的建築．如果冬天住這些合掌屋的民宿，一定凍死我．

以下的相片都是從神田家內所拍攝的，

參觀完神田家，對面就是長瀨家，不過當日也是休館日，再行見到有五平餅，買條來試試，都幾好味，可能是熱烘烘的關係吧！再行就到明善寺鄉土館，當然也入內看看，

其實開始有點肚餓，因為已經中午了，但一路行都揾唔到有咩好食，所以只好繼續行，到達白川八幡神社了，剛才的雪細了很多，

但當我哋一入去八幡神社，雪又大起來．．．

後來見無人，我同べんさん都禁不住，玩起雪戰來，見到咁多雪當然要堆吓雪，拋吓雪，真喺幾好玩的．．．

然後四處揾食，揾咗好耐，可能是假期，有部份食店休息，加上遊人很多，有開的食店都排長龍，所以最後都無辦法揾到地方坐低食，只好在手信店旁找到飛驒牛可樂餅，每人買咗兩個，借意入手信店逛逛，其實只想暖暖身之餘食埋個餅，因為外出又大雪又寒冷，免強吃飽飽，又繼續面對風雪。

又經であい橋時，由於雪比之前大，所以在過橋前大家已經不用行，是用滑的方式，實在幾危險，在橋上就更加不用說，扶著橋上的扶手位，就已經可以滑著走，就喺好玩。

走到另一邊的是合掌造り民家園，入園料500円，這邊的雪堆得更厚，大家睇相就知．．．．

這個只見到半間屋

雪！越下越大！

本來想到展望台，但因為雪很大及時間有緊逼，所以都是決定唔上展望台，但白川鄉這個地方，我哋都一定會再來的；我哋就坐15:20往高山的巴士離開白川，再見咁靚的合掌屋同難得一見的咁厚積雪，真的很難忘的一天。

好快, 16:10就回到高山駅，由於天已經黑齊，而觀光景點之前已行過，所以到駅前的手信店購物，駅前有好多手信店，飛驒的名產都可以買到，收獲不錯，先回酒店放抵啲先，今晚都是入住スパホテル アルピナ 飛騨高山 ，

休息一陣，再出去揾食，由於中午時其實都唔算食過嘢，べんさん仲成日投訴我，又話逍嘆之旅連食都無得食，無法喇鬼叫現在是日本新年咩！

先到上三之町一帶睇睇啲店關門未，不過大部份都已關門了，唯有繼續揾食啦！

行咗好耐都未找到開餐的地方，於是在鍛冶橋附近的店買咗飛驒牛串頂頂肚先，這個原來是Ａ５飛驒牛，所以好正呀！

差不多８點，在商店街找到這一間みかど位於国分寺通，

要了一份朴葉味噌飛驒牛定食及飛驒牛定食，埋單都只是3800円

雖然店舖細細，食物質素很好，埋單時店員還送了一個牛年的木牌吊飾給我們，真是有點意外，之後再到便利店買布甸回酒店食，早點回去收拾行李，明天要趕早車離開。