東海逍嘆之旅 ~ 高山, 櫻山八幡宮

Day 4 (30/12,火曜日) 高山 晴れ  -5.1℃ / 4℃

行行吓就去到櫻山八幡宮，首先見到這個大鳥居

之後石級下的高山祭屋台会館，可以購買高山祭屋台会館・桜山日光館（二館共通）入場的套票，料金：820円，只要出示さるぼぼバス（即高山一日乘車券）， 就可以765円購買該套票，正所謂慳得一円得一円嗎！

高山祭屋台会館內展示全部都是高山祭的屋台，其實真是很大座的，

桜山日光館裡面展示的是日光東照宮的模型，都幾金碧輝煌的，有機會都應該要去日光遊覽吓。

由於今日行程都幾多，所以接著坐觀光巴士返回高山駅，趕及14:22的車向發飛騨古川 ，20分鐘左右就到目的地，主要想去飛騨古川的白壁土蔵と瀬戸川，因為影相真的好美，但估不到這麼早就已經日落，

這條小路，已經好窄，再加上有積雪，真的一個不留神，就會失足，所以好小心亦行得好慢；由於天色昏暗，似乎影黑白相更有詩意，大家同意嗎？

16:00左右返回高山，

並且回酒店（スパホテル アルピナ 飛騨高山 ）check in，上房休息吓先，行咗成日就好疲累了，尤其行雪地更加出力。

今晚的房租11000円，有20平所以都幾大

睇吓浴室幾鬼大，這間酒店都幾值得推介，因為是剛開業的酒店所以特別舒適；不過要提提大家，這間酒店的浴室是沒有牙刷類的物品，要的話就要到前堂問職員攞，但Check in 是他們都會問的，可能是環保卦。

休息過後，到街上行吓，睇吓有咩買同有咩嘢食，睇吓古街（上三之町一帶）的夜景，原來晚上會泊滿車的，真是大殺風景。

這樣都喺算吧啦！去丸明食晚餐，以下是飛驒牛刺身，這個A5級的飛驒牛，只睇賣相已經好吸引，第一次食牛刺身，其實都有啲驚唔食好唔好食，當我一放入口，立即在口內溶化，就好似正在品嚐一件高級牛油，嘩！絕對懷念這個味道，正正正～～～

另一道是飛驒牛的すきやき，亦十分美味，埋單都唔平架6740円。

食飽飽繼續四圍行，行行吓有飄雪，嘩好興奮，之前幾天雪就見過好多，但有雪落在身上真的令人好興奮，但越行越大雪，好在好多地方都有瓦遮頭的，否則在沒有帶傘的程況下都幾狼狽的！　　　

 就這樣冒著雪趕回酒店休息，我哋相信當時在室外應該只有零下1或2度左右，實在都幾凍的，不過一生人第一次感受到落雪的興奮，不生難忘．．．．．．．

明日予告：金沢

Day 5 (31/12,水曜日) 高山 陰 -2.8℃ / -0.2℃ / 雨 金沢   (雨雪) 1.6℃ / 5℃

晨七咁早就出街，咁早當然喺去宮川朝市啦；經過一晚的積雪，嘩！一出酒店門口就見到舖滿雪的街道，行路當然要小心翼翼啦，不時亦見有啲叔叔或嬸嬸在剷雪。

一直往前行先到達柳橋（綠色這一條），綠色的感覺比較單調；

之後轉向鍛冶橋，你哋睇吓這兩個銅人都變成了雪人，

接著旁邊就是宮川朝市，連宮川朝市四個字都滿了雪

但可能昨晚的雪實在太大，或者天氣亦頗寒冷，好多檔口都未開工，等我哋仲唸住買早餐食添，行咗一陣有些精品手信店都開始開工，我哋亦買了些手信仔；至於食就買咗個飛驒牛肉包，熱騰騰的包配以一罐熱咖啡，在寒冬中確是一個享受，但只能企在街邊醫肚，會否又帶點淒涼呢？

有舖滿雪的宮川，同昨日的相比真差很遠呢？天色開始亮了，由於還有時間，所以再往中橋（紅色哪條）

很快就到達中橋

這條中橋真的很搶眼，尤其在白雪中更靚

睇最美麗的中橋後，回酒店徒中亦見到這兩個噴水的小銅像，咁凍當然沒有噴水，但造型亦很可愛。

回到酒店，補番兩張招牌相先．．．

下一站：金沢