東海逍嘆之旅 ~ 新穗高

Day 3 (29/12,月曜日) 新穗高  晴れ　 -5.1℃ / 4℃

嘩！眼前一片白茫茫，好大的雪山，好多的雪！

終於到達山頂啦，在身處海拔2156米的西穗高口駅，現在温度是1度，唔係好凍；一到就已經有職員叫我哋影相，仲俾隻さるぼぼ（猴子寶寶）我拿著影相，都影得唔錯，但我哋都無買嗰張相。

這個展望台可以睇到北阿爾卑斯山的笠ヶ岳、槍ヶ岳、穂高岳、焼岳等，而這個西穗高口駅亦是槍ヶ岳及穂高岳的登山口位置；而我哋到嗰日的之前就有一些登山人士失蹤還未有發現，所以不時會見到有直昇機及一些全副武裝的搜救隊人員出現，都好似好緊張咁！

在展望台上影咗好多相，影相的同時當然亦要小心翼翼，因為地面好多雪好滑，雪山的相實在好多，請大家慢慢欣賞

之後落下一層出去外面的雪地玩，真係可以躺在雪上玩，又可以堆雪球，原來啲雪真喺軟綿綿好似綿花糖咁樣，好得意好好玩呀！

有一條堆成雪牆的雪長廊，原來多雪的時候可以堆成約2米的雪牆；

玩咗好耐，到二樓的手信店買咗架chocoQ的新穗高纜車車仔，仲有買咗明信片，立即到展望台的郵筒寄出，大約一星期左右收到，

投寄完成，又出去展望台看看，因為天色好像轉晴，一出去嘩！滑一滑無事，繼續．．．．．．

果然天氣變幻莫測，剛才 1度轉過頭已經變咗 -2度，風勢比剛才大咗好多，補多幾張相先．．．

不經不覺已經2點多，午餐都未食，於是就打算到しらかば平駅再揾野食（即乘雙層纜車到下一駅），以下是乘纜車一山時影的；

仲有在乘該雙層纜車時，每到纜的支撐位，可能要轉斜度，所以會覺得突然急斜，會有啲離心力，當每到這個位全車人都會不其然”wowo“起來，好有趣。

很快就到達しらかば平駅，終於有時間影吓架車啦！（因為之前上車都掛住爭個靚位影相）

於該駅有個火爐可以俾人取暖，先到外面的食店揾食，可惜時間太晚，食店都已打烊或準備中，所以最後都是回該駅內的小食店醫肚，每人食咗個包就算了。

醫咗個肚，到外面見到咁好天，立即心情都變好，

日本首架雙層纜車逐格影…..

纜車消失了，大家見到相中左下角的屋頂，這個位置是泡足湯的地方，立即泡一泡，熱騰騰，好重硫磺味，不過好正～～～

接著步行到鍋平高原駅，由於未開車，休息吓先，要4點才開車；

只需4分鐘就到地面，今日的新穗高之旅觀光完畢；

但喺仲有旅館哪一部分，待續．．．．