東海逍嘆之旅 ~ 新穂高ロープウェイ

Day 3 (29/12,月曜日) 新穗高 晴れ  -5.1℃ / 4℃

晨早六點起床，泡一泡温泉，一身爽哂，因為早餐係部屋食，所以七點就會有職員幫我哋收拾布団，然後準備早餐。

今日的天氣很好，而下呂這個地方當時並無落過雪，所以一遍綠油油，都幾靚！

好快已經準備好早餐，當然唔少得温泉蛋，

第一次試的扑葉味噌，果然幾好送飯的，仲有燒魚同其他漬物，份量不是很多，都唔錯。

當然還有甜品

Check out後到門口影張相，9:00 乘坐旅館的送迎巴士到下呂駅，繼續今日的行程…..

只需幾分鐘就到達下呂駅，我哋將會搭9:24的（ワイドビュー）ひだ1号(特急)，料金1580円（乘車料950円+特急自由席630円)，車程40分鐘。在差不多到高山時已見到有積雪，另車上各人的心情都很興奮，10:04到着高山駅。

一出高山駅就見到觀光案內所，但由於今日的行程不是在高山，所以第一時間是找濃飛巴士的售票處，原來濃飛巴士的售票處只是一個售票窗口，都幾多人買票；而我哋要搞兩樣嘢：
1. 「奥飛騨まるごとバリューきっぷ」，我要買的是高山発，大人5000円，包括：
　　◎高山～新穂高間，2日自由乗車券　
　　◎新穂高ロープウェイ（第1、第2ロープウェイ）1往復乗車券（原價都要2800円)
　　◎アルプス街道平湯入浴券
　　◎特典

2. 高山～白川郷～金沢的予約，先前已在J-bus.co.jp予約咗去白川郷同金沢的車票，雖然在網上予約，但都要在濃飛巴士的售票處付款同換票。過程都好簡單：先在J-bus.co.jp註冊，然後予約時間同班次等，最後會有一張確認的資料，只要print咗佢，去到濃飛巴士的售票處俾佢睇再交錢就得。

搞掂晒啲車票，排定隊坐巴士去新穗高，因為是自由乘坐，所以早點排隊會好啲，當差不多上車時，條隊已經排到好遠啦！

準時10:40開車，先從巴士上遊覽一下高山市，在遠離市區時已見到四處都有積雪的景色，好靚呀～～　整個車程都是上山，落山，因為會經過幾個滑雪場，雖然路面有很多積雪，但車仍然開得很快，間中會見到路邊的牌顯示當時温度是 -1度，心想外面是否很凍呢?

約一小時就到達平湯温泉，本來都有想過在這平湯落車去一去平湯大滝，但恐怕到達新穗高太晚，上到山會好凍或者太早天黑就不好了，所以最後決定先去新穗高，如果有時間才回去平湯。

12:13到達新穗高温泉巴士總站，落車後先揾Locker安置好兩個大背包，新穗高的觀光案內所沒有中型的Locker，但巴士站旁有個アルペン浴場（無料），這個浴場就有好多Locker，安置好背包又起程。

從觀光案內所旁的斜路向上行就到達新穂高ロープウェイ的乘車處，但行這條斜路亦很小心，因為地上有層薄冰好容易會滑倒。

到啦，天上的雲都幾厚，唔知睇唔睇到北阿爾卑斯山（北アルプス）呢？先去售票處換乘車券，仲有一段時間先發車，但已有好多人排隊，全部都是日本人，他們都帶齊各類攝影器材，好勵害！

新穂高ロープウェイ這個纜車是分兩段，第一段是單層纜車，4分鐘車程到達鍋平高原駅，步行至しらかば平駅開始第二段的纜車，第二段纜車是全日本第一架雙層纜車，7分鐘車程到達終點西穂高口駅。

我哋一口氣先去西穂高口駅，直接上到展望台，纜車上一直見到都喺雪山，沿途往上，山上的的積雪越來越厚，最後到達山上會睇到啲咩，當時温度又幾多度呢？

請繼續看下去……………………