東海逍嘆之旅 ～ 下呂温泉街

Day 2 (28/12,日曜日) 下呂 晴れ  2.0℃ / 11.2℃

行到差不多2:00，見到這一間，menu的價錢算平，所以就入去醫咗個肚先，

點了一個鷄的set餐，另一個是餃子的set 餐，後來才知道這店的餃子是自家製的，都幾有名，果然真的皮薄餡靚，好味，仲有隻好正的溫泉蛋。這一餐都唔錯，埋單只是1700円。

下呂温泉有好多足湯，非常有趣的，可參考小川屋旅館的地圖

食完飯出來就見到這個鷺の足湯，但太多人所以無去浸，之後又行去ビーナスの足湯，終於無咁多人可以泡泡腳，仲有雅の足湯，這處有路過，都無去浸。

跟着去咗温泉寺，温泉寺是有段故的，好耐好耐以前由於是有温泉水湧出而名明為（湯ガ峰），泉水湧出約一千年左右於1265年突然停止咗。但在翌年村民發現飛驒川有隻白鷺經常出現後，温泉水又再次湧出，而這隻白鷺亦飛往山中的松樹下的藥師如來形成一體，因此村民為此而創建咗温泉寺。

由地藏堂旁邊的石階步行上去就會到温泉寺，我哋一路行一路數，

數呀數～都回咗幾次氣終於到，原來有173級的，真喺斷氣囉，當我哋最需要新鮮空氣的時候，竟然吸入咗好大啖的二手煙，飽哂！（在寺前有對情侶食煙，大殺風景同埋污染環境）

在温泉寺後面有個小型稻荷神社

沿路回程返回下呂駅

返下呂駅的同時，當然逛逛駅附近的手信店，挑選些只有下呂才有的手信，因為不想行李有太多的負荷，所以唔敢買咁多。

剛剛購物完，取回Locker的行李，剛好見到今晚入住旅館的送迎巴士，立即上車，不用幾分鐘就到達旅館：湯之島館，這間連日皇都曾經入住過，可以說是全日本都數一數二的，並且這裏所吃的飛驒牛是A5，所以都幾高級吓。

在選擇温泉旅館時，都預訂了好幾間，最後選這間是因為：1.首要是有客室附露天/半露天風呂，2.該風呂一定是天然温泉水，3.價格，4.房間大小。呢間就有齊我想要的野，而價格方面，於它的網站預約仲有5%off的優惠。

坐送迎巴士到達門口，已經見到有職員歡迎我哋，先辦好check in手續，原來女性可以選擇浴衣，而我選咗件有櫻花的都幾靚，之後職員帶我哋左轉右轉，由一棟坐電梯到另一棟，終於到達我哋入住的景山莊。

我今次入住房的類型是景山莊，客室附半露天風呂，一泊２食（兩餐都是部屋食）價格：44664yen（兩個人），低唔低呀你哋分析下啦．．．．

面積：房間１０畳，玄關３畳，露台約有３畳（仲有張四座位大梳化），

這就是該旅館的絕景，居高臨下眺望下呂市，亦是我入住房間的窗外景，而浴室的景亦是一樣的。

浴室有檜木的半露天風呂，當然是100%天然温泉水，24小時任你浸，好在是半露天，否則凍到變雪條，

參觀完房間後，可以坐低嘆番個甜點，這個是迎賓和菓子，仲有金～薄～架！

日本新年唔少得的年糕，不過是假的

湯之島館，除了大浴場及露天風呂外，還有四個家族風呂（「銀嶺泉」「不老泉」「七宝泉」「玉ノ井泉」），所有入住的顧客都可以享用，不收額外費用及不需預約，只要去到見到無人用就可以入去浸，由於四個風呂都有不同，所以有時間可以四個試哂都得。

我哋去到時其一個維修中，其餘兩個有人，所以我哋試了這一個「銀嶺泉」，泡了差不多40分鐘。

由於未到晚餐時間，四圍行吓，這裏仲有打乒乓球，康樂室等地方，還有這個山の足湯，當然又去浸一浸啦。

晚餐時間啦，我哋預定6:30晚餐，因為想早啲食完飯再泡温泉，職員好快便擺滿一枱了，睇睇菜單，好多種類，而我哋最想試的飛驒牛，睇吓可唔可以比美神戶牛呢？

前菜：好精緻，

美味的飛驒牛，果然可以比美神戶牛，以我哋的口味，我會覺得超過神戶牛，飛驒牛更加美味。

仲有各類海鮮魚生，白飯，魚乾等

當地有名的圍爐的盐燒河鮮，第一次食都唔錯，最後當然食甜品．．．

吃飽飽，休息一陣，浸幾回温泉後，飲番支飛驒高山牛奶，好滑，完美的一天。

明日預告：新穗高