東海逍嘆之旅 ~ 下呂

Day 2 (28/12,日曜日) 下呂 晴れ 2.0℃ / 11.2℃

一早6:30起床，7:30就Checkout，先將大件行李放低酒店，待第七天回來再入住。

先講講交通方面先，如果今次行程的日子不是選正日本新年的話，有一種優惠車票是很好用的，這就是飛騨路フリーきっぷ ，可坐JR及濃飛巴士，三日內有效。但一見到28/12-6/1是不能使用的，這樣我就不再研究這個優惠了，只好另外再研究一個又平又不浪費時間的乘車方式，唯有利用轉車及夾時刻表，最後景然仲可以慳到錢，實在很滿意這個安排。

現在就由名古屋名鉄駅出發，先坐7:58的名鉄到新鵜沼(590円,車程36分)，

轉乘8:58的JR到美濃太田(車程11分)。由於到達美濃太田只是9:09，而下一班出發到下呂的車要9:54才開，所意這段時間就可以吃早餐，於駅的便利店買咗麵包同埋熱咖啡，在暖房嘆完早餐，就在駅影吓相等夠鐘。

去下呂的車，仲未上得，

睇吓嗰兩個背包等咗好耐仲未可以上車，幾悶．．．

終於等到9:54上車，車程要1小時24分才到(新鵜沼至下呂，同樣是JR，車費 1,280円）。所以結論名古屋至下呂，車票只要1870円，平過搭巴士。

瞓咗幾轉，11:18就到達下呂駅。

第一時間搵個Locker將兩個背包安置好，下呂駅旁及對面都有Locker，然後穿過下呂大橋，下呂大橋下面就是最出名的噴泉池，天氣其實都幾凍，但真係有啲伯伯同婆婆在泡溫泉，心想下水同上水都幾凍，佢哋真喺好勵害，由於他們都無著衫，所以唔好意思影相。（備註：噴泉池是男女混浴，女性是可以穿泳衣的）

過咗下呂大橋之後，會見到兩旁都會有些手信店，其中一間相信是用來吸引遊客而設有七福神的さるぼぼ（意思：猴子寶寶），至少吸引到遊客入去看看。

行行吓，過咗下呂橋都唔知，一直行到去湯のまち雨情公園，ベンさん就被這條紅色吸咗埋去影相，於是就去看看罷，

這個公園其實很細，還有一個石像是紀念一位詩人名叫野口雨情，其實都唔識，只喺見到個石像喺咁寫咋！

仲見到人生第一堆雪，忍唔住踏了一腳（ベンさん之足印），今次雪之旅都低會唔會遇到大雪呢？

跟著返回下呂橋就會見到下呂温泉合掌村的指示牌，終於到達合掌村入場料金800円，不是很多合掌屋，但第一次見這些屋亦覺得很特別。

入到村就聞到一陣很古樸的味道，原來天氣較凍，他們在燒木頭，這些木有一陣很特別的香味，聞起來有一陣好溫暖的感覺，可能天氣凍的關係啦！

我哋都唔客氣一見到足湯就入去泡泡腳，嘩！嘩！很熱呀，越泡越舒服，呀～正呀！

泡腳後，繼續行，四圍行吓，入吓屋，又影吓相．．．

凍到結冰

這棵是夫婦杉

就這樣行到1點多，本來想到菅田庵吃有名的トマト丼，

但可惜滿坐，唯有另覓地方吃午飯啦！唔知今日有無午餐吃，請看下呂編 – Part 2……………….