東海逍嘆之旅 ~ 名古屋

今次的旅程發生於27/12-3/1，喺日本過元旦確實很熱鬧，不過有部份景點會休息，亦有部分景點會免費開放，所有好亦有唔好。

本來全程都應該會非常逍嘆，但結果ベンさん投訴我，一日只有兩餐，甚至只有一餐，連早餐及下午茶都無好好嘆吓，仲話逍嘆！

亦睇到一生人最多的雪，對於我哋從未睇過雪的人來講，真喺大雪到超乎想象。

東海北陸一帶旅程在計劃時已經很傷腦筋，各旅遊書在未出發已經殘哂，想去地方很多，而時間只有八日，又唔想咁趕，所以計劃了三個多月，終製作好出發用的小冊子，真是不容易。整個旅程都很累，但真喺無揀錯，結論是很好～很好玩．．．．

Day 1 (27/12, 土曜日) 名古屋　-1.0℃ / 9.0℃

一早坐8:15的船直接入香港機場的臨時客運碼頭，雖然貴少少但可以慳翻入機場的車錢，另外還意外地可以慳翻香港機場的稅，每人可以退回$120的稅真有啲意外驚喜，不過坐船的人很多，所以搭10:30的機都只是剛剛好，否則就上不到機了。

坐國泰的CX536直航名古屋10:30起飛，14:30就到實在太好啦！

到達後，過關很順利，果然可以趕到15:17的名鉄(850yen, 車程:37分)到名古屋，先找找今晚的宿泊地先，今晚住的是package包的，由名鉄駅步行3分鐘就到Royal Park Inn Nagoya ，間房都有24平方米，幾大尚算舒適，只是有少少舊，整體ok，由於忘記影間房，所以以下是從它的網站下載的。

處置好行李，立即開始活動，坐地下鉄先到栄睇睇有咩可以買，行咗一圈栄多數都是名店等居多，我就覺得唔啱我，所以無嘢買。後來到Lawson的售票機買名古屋テレビ塔 的入場卷，只要輸入該卷的code:02235531就可以買到，可以慳100yen。

步行至名古屋テレビ塔，感覺比較矮，上到去展望台的玻璃唔喺咁清，所以無咩影相，而名古屋的夜景不是很美，睇咗一陣就離開了。

然後再到公園旁的オアシス２１ 去到最頂的玻璃層，雖然都幾靚，但好大風同埋都幾凍，所以很快就落翻地下。

跟著亦步行返回名古屋駅附近，睇睇有咩好吃，後來行到地下街見到個矢場的廣告牌，所以就去咗食矢場とん，　　　

我哋點了以下兩個定食：

ひれ串かつ　定食 1365円　

みそひれかつ丼　定食 1155円

兩個定食都好美味，果然值得推介，味噌味好濃，豬肉帶啲肥，食落好軟滑，正呀！價錢又唔貴，大家一定要試！

食飽飽後，去 Lawson買啲零食就返酒店休息，準備明天的行程。

明日予告：下呂