愛知金牌演唱會

這是一個真真正正的金牌演唱會，起碼在我心目中就一定是，另一方面今次東京事変 的 live tour 2010亦以sports為主題，睇佢哋張相幾有趣。

上一次的椎名林檎十周年演唱會因工作不能請假，而這一次終於有機會可以有假期出發啦！咁當然有假期喺第一步，最緊要是到底買唔買到入場券啦！

較早前的予先抽選，已經落空，真的好失望，唯有等２月２７日日本時間10點正式發賣；所以當日晨早8:30已開電腦準備購買，可惜一直搶灘都入唔到個網站，只出現線路太繁忙，請再試行登入，於是一直試～再試～只是短短的幾分鐘，直至日本時間10:08就出現這一句”東京事変 live tour 2010 的門票已售罄”，吓！有無咁快賣哂呀！勞騷王立即出現，抓住ベンさん不停在發勞騷（有無搞錯～有無咁快賣哂呀！有無咁多人買呀！會唔會喺啲賤人抄黃牛呀！～～～～～）足足勞騷咗成個鐘。

食過早餐後，由於唔咁心，又上去賣飛個網站，咦！有得賣！（真定假呀！）唔理啦入去買咗先講啦！最後成功購入咗兩張。

當日經歷咗大跌大喜，好咗無心臟病發，立即興奮哂！

哈～哈～哈哈～～

東京事変 live tour 2010　愛知縣名古屋站我來啦！