單反深淵-第六步曲

相信大家已經欣賞過ベンさん新機D300的作品，唔知邊？請留意東海逍嘆之旅08/09 ，當中大部份都喺ベンさん的作品，搞到我部DC仔啲相失哂色，唔通我都要跌埋入這個單反世界！

今日黎到第六步曲，到底又有啲咩好介紹，首先講講事發經過：

話說有一日麒麟大師在公司正努力工作的時候，電話突然響起：

ベンさん：俾祈福黨欺騙咗，（答：咩話）

ベンさん：我只喺企在相機舖的對面，突然個店員向我招手，我就行咗埋去，唔知點解迷迷蒙地買咗啦！（答：嘩！你咁樣俾人迷魂都唔報警；都話你實忍唔住啦！）

這一個騙局，ベンさん終於購入咗SB600，價值：$1850

玩咗一段時間後，ベンさん又話想影得柔和啲，於是又想買個柔光罩，但一問之下要成百幾蚊，打消了買罩的念頭。於是我麒麟大師又發揮一下創意製作了這一個＜自製NIKON柔光罩＞

材料：文具店買的膠片，少許雙面膠紙，黑色地圖膠，NIKON字可俾錢叫人做或可自由做又得

其實做法只喺度好尺寸，做一個小膠盒就得，簡單過簡單，成本一蚊都唔使。大家睇睇得唔得．．．

ベンさん用過，影出黎的相的確有柔光效果，最主要膠盒的開口位做咗斜入，所以不用加橡根都唔會掉下，好穩陣。

同場加影，又喺麒麟大師的創作，黑箱作業攝影棚，可拆散收藏，可換不且顏色紙版，加盞枱燈就可以用來影product都得。

身為一位預言家，這個深淵都去到第六步曲，仲有幾次都預言唔到，睇來我要轉行做發明家啦！