8月14日 (火) Day 6
函館: 晴れ 22.5℃ / 32.8℃, 小樽: 晴れ 21.6℃ / 34.0℃
行程: 函館 –> 札幌(轉車) –> 小樽運河一帶 –> 朝里川宏樂園
16:30
一路往小樽運河的中央橋方向行，一路上很多車同人，當遠遠望見中央橋時，整個路面都是人，估計有好幾團遊客；因此我哋唯有先在出拔小路影影相，入去行了一圈，與函館的大門橫丁一樣，小小的範圍已有很多間食肆，都喺一個唔錯的地方。
之後又到海鳴樓睇睇，由於之一直都搵唔到老虎的玻璃製品，終於在海鳴樓搵到一隻咁大把，立即購入，ベン さん幾開心，終於俾佢搵到虎虎。
終於啲人散哂，我們很高興的過去影相，一行到這一個鐘前，才發現吓！！！北海道景然有36.2度，唔喺呀化，怪唔知剛才差點暈低，真的VERY HOT!!!!!
大家睇吓隻海鷗幾型，初時都唔覺是活生生的海鷗
影完相，慢步回小樽駅，取回行李到駅前的巴士乘坐23號朝里川溫泉巴士，｢宏楽園前｣下車(約23分/200円)，大約坐18:05哪班車，路上都幾多車，所以有啲塞車。
18:30
到了最期待的一間旅館，直入宏樂園的庭園，果然喺好雅緻的庭園，入到旅館先要除鞋，職員會將鞋置於另一房內安放，跟著辦理手續，職員的英文都幾流利，預定晚餐時間19:30。之後帶我們到已選好的房間すみれ，因為事前已用email聯絡了，職員介紹一下房內設施；等職員離開，我們便急不及待地準備將6日以來的疲累泡個夠，雖然淋浴的地方在室外，都不用擔心唔會有外人的，漫漫浸下時，少少熱，泡著露天風呂，望著雅緻的庭園，完全貼近大自然的感覺，又開心，又舒服，好歎呀！
泡了大約20多分鐘，穿返件浴衣，穿著木屐往庭園外走走，走了一轉，買咗雪糕同牛奶，睡前享用。
晚餐開始，我們期待會比洞爺湖的豐富，因為貴好多呀麻，只看賣相已比洞爺湖精緻，等我介紹有啲咩先：梅酒一杯
刺身：平目，北寄，牡丹海老，其他唔知咩名堂
小樽近海海膽一隻（超正），北海縞海老（好鮮甜）
大根，味噌湯，仲有綠葉蓋著的是啤酒樽底咁大，同咁厚的帆立貝，食咗至記得未影相，
炸物
其他前菜
十勝牛陶板燒（好～好味）
仲有甜品：余市蘋果杞子雪葩（唔太甜，好啱好味）
飯後小點：腐皮壽司
嬸嬸放好餸菜後，還幫我們影相，實在好親切。 今次足足花了個半小時，最後結論好飽，好好味。
休息半小時左右，又準備泡溫泉，上水後吃個雪糕又再泡，晚上泡溫泉望上天空一片漆黑，有點點星星，庭園開了些柔和的燈光，微微的清風，好爽呀！這一天一共泡了三次，大約10點多，庭園的燈光會關掉，這時就不能再泡了，因為可能夏天，會飛的昆蟲比較多，庭園關燈後，會全部飛向有燈的地方，只要關好門窗就無問題的。
大家可能會問，之前講到白天時氣溫高達36度，泡溫泉會唔會好熱，事實證明唔會，因為晚間及清晨的氣溫只有20度左右，所以是無問題的。
收拾一下行李，這天行程好充實及完滿結束了。
8月15日 (水) Day 7
小樽: 晴れ 22℃ / 33℃, 札幌: 晴れ 24.8℃ / 34.2℃
行程: 小樽 –> 札幌(市內觀光及購物) –> 札幌ワシントンホテル
06:00
起床, 再泡泡溫泉 , 早上有點點清涼都幾舒服。
08:00
到酒店的和式餐廳吃早餐， 職員即時問我們房間的名字， 原來他們已按房名設置好早餐， 嘩！雖然個樣普普通通，但味道亦不錯，只是哪個魚就咸咗啲，個豆腐好正。
09:10
吃飽飽，準備check out，即時請職員為我們召的士到朝里駅(770yen)，果真不到5分鐘就有的士到門前接我們。
朝里駅又是一個無人的車站，周圍環境都是住宅，只有一間小店舖，亦有些網友說這店舖的老闆幾好人，小吃亦不錯，而我哋剛吃飽所以無試，大家有機會可以試試。
09:48
朝里駅ＪＲ函館本線(いしかりライナー)【岩見沢】–> 10:19 札幌 (560yen)
今日將會在札幌行到死shopping day
繼續看下去~~~~
15 comments
發表留言
Author
woodson799@yahoo.com
Related Posts
Hi 多謝分享
不如秘撈做旅遊雜誌記者. 勢必會發大圍. 勁呀!
相片係朋友Send比我,我都唔知邊度影的~~
andy:
好正的旅館，真係覺得去日本一定要去去溫泉旅館，真係RELAX好多~
嘩靚呀,好好味呀..
Thanks!!!
hi, 你好呀,
由於我同老公想plan呢個一月份去去北海道玩,但係知道日本好多溫泉都是分開男和女的,我想問O下你知唔知道,有冇一D溫泉酒店是比較for私人架….同埋我地今次選擇會自由行,我地要注意d什麼呢..如交通問題??
謝幫忙
細B
hello!!
一月份去,你啲酒店book哂未呀?而北海道有很多溫泉區, 唔知你目標是哪個呢?大部份溫泉酒店的湯都分男及女的, 如何想找有私人風呂,就要留意一些標明客室付風呂(房間連溫泉的)或有貸切風呂, 家族風呂(這是屬於出租溫泉的個室,通常以40分鐘 2000yen -3000yen) 。
自由行要注意JR的時刻表,可於plan行程時預先下載或安排,因北海道的JR較疏班次, 可以的話盡量使用 JR pass, 購買pass時可先預約指定席,這就包有位坐,萬一無預約指定席的話,就要早一點到自由席找位坐 。
希望可以幫到你啦, 祝旅程愉快
Beer,
多謝你的珍貴意見,我地就係酒店都未confirm好呀,因為你知道啦呢幾個月都好多人去日本玩,機位都好難book,剛好問到一間旅行社可以在今個月尾可以出發,所以我們也特別急,我地都係主要係食同觀光,玩下咁,溫泉都可以先o下既,嘻嘻 因為我同大b都覺得有點怕羞嗎!! 還有想問o下你,我地plan去玩8天,如果想去滑雪你會見意我地去邊間呢,而去滑雪場有沒有一些有埋酒店的,希望你再比一些寶貴意見給我地啦 真係頭都大lu
多謝你呀
很抱歉,暫時都未有滑雪經驗, 未能跟你分享, 不過聽閒niseko及旭川的滑雪場都不錯, 而且多數滑雪場附近都有酒店的,都幾方便.
剛剛於網上找到這條link內裏的酒店,全部都在滑雪場附近的,可以參考一下
第一次在你blog留言啊! 你好！請問你book宏樂園，是在他們的website？還是其他website代訂？其他website代訂是否平少少? 我找不到有其他website代訂呢！ thanks!
上次我搵咗間網上代book的可以提早5個月前book, 但其實在宏樂園的website book都是一樣的,不過提醒你,予約後,可send mail問佢可唔可以俾到你想要的房間或將會俾咩房間你, 因為我上次都喺咁樣做,果然俾到我想要的房間.真喺十分好..
多謝您呀!!我試試看！
請問在宏樂園時你有沒有upgrade個晚餐？
沒有, 但相片中的已好豪華了, 如果再upgrade的話, 恐怕食唔哂!