北海道夏の花見 ~ 小樽

8月14日 (火) Day 6

函館: 晴れ 22.5℃ / 32.8℃, 小樽: 晴れ 21.6℃ / 34.0℃

行程: 函館 –> 札幌(轉車) –> 小樽運河一帶  –> 朝里川宏樂園

06:00

今日一定要準時起床，因為要坐早車回札幌再轉車往小樽，打點後先到函館駅附近的cafe吃早餐。

07:30

返回酒店CHECK OUT，離開我們的函館の家。

08:30

函館駅 スーパー北斗3号【札幌(ＪＲ)】–>11:47 札幌

由於我們知道坐車的左手邊會見到大沼公園的景色，而先前所訂的指定席剛好坐左手邊，於是將到達大沼公園，我已準備影相了。相信如果我唔話俾大家知是從車上影下來，大家一定唔信，真的出奇地正。

12:14 （轉車）

札幌(JR) エアポート115号【小樽】–> 12:46 小樽

12:46

到達小樽，當然先將行李置於locker，兩手閒閒地遊小樽，回想好在有locker，不然在這高溫下，真的想死。一出駅陽光普照，實在太好，先影張照牌相，不過支紅綠燈阻住。

13:00

一路往小樽運河方向行，途中的街角很舒服遊閒的感覺，

之後就到達舊手宮線遺跡，

睇吓ベン さん同我幾開心，終於記得同佢哋影相，成日都唔記攞出黎影。

13:30

我哋打算到壽司屋通吃午餐，但個肚仔不停叫肚餓，所以唔再揾，一見到寬壽司就入去食，

點了這一道唔記得叫咩名堂，包括：海膽，蝦，類似瀨尿蝦，三文魚籽，鮑魚，三文魚，蟹，北寄貝，帆立貝等有些唔記得了，仲有蟹味噌湯，價值2980円。

由於打算到銀の鐘吃下午茶，所以唔食咁飽。

隨即到各店舖，睇吓有咩買，心目中要買一些玻璃精品，可愛的貓貓精品，音樂盒等等；

於是由中央橋, 淺草橋, 各硝子館, 工房，每一間都很有特色，很多都好鐘意，並且時間唔喺很多，差不多每一間都有入內參觀，可能天氣實在太熱，人同汽車都很多，我們開始有點想暈的跡象，但當時只行了一半，所以唯有多飲水，慢慢繼續行。

終於到了我要買手信的店舖，就是這一間自然工房，門口的木制貓貓真的很趣緻，尤其是哪些釣魚的貓，見到牠我只會想起，在工作中偶然會釣魚的情景，心裡便會傻笑。最重要是牠們每一隻都不同的。

繼續行終於見到小樽オルゴール堂，

到這裏之前首先會到銀の鐘，我們當時又熱又累，心裡最想有處地方休息一回，回一回氣再上路，正好到達銀の鐘，嘩裏面很多人呀，剛剛有好幾團台灣人在裡面，

飲cafe的地方在二樓同三樓都有，二樓擠了很多台灣人在排隊，這個情況，當然立即上三樓啦，三樓水靜河飛，只有一，兩丁人，我們就去選購喜好的杯，結果選了下面的兩SET杯連碟，銀の鐘哪隻650円，Hello Kitty哪隻700円，包括咖啡或茶及一件薰衣草蛋糕，如果熱飲有無限添飲，凍飲則只有一次，在我們添凍飲時，店員給了一小片的ラベンダーの恋人 試食，這個類似白痴戀人的薰衣草味的餅餅都幾好味，如果大家要在銀の鐘買手信記得先到它的網站內下載coupon，購物滿1000円以上有九折的。

回氣後，到對面的小樽オルゴール堂買音樂盒，門口的蒸汽鐘幾古典，裡面又喺人頭擁擁，揀咗好耐，心大心細的，又選樣，又選曲，叮叮叮的叮咗好耐，最後終於買咗兩個，遲啲再show俾大家睇。

之後打算返回中央橋影相，先先見到LeTao想入去買布丁，但ベン さん話食唔落，而這樣炎熱的天氣要即買即食，所以放棄了，唯了在札幌時再來試。

～　待續　～