京阪神姬之旅 ~ Rinku Premium Outlet

關西之旅

Day 7 8月17 日(星期四) 晴れ　気温34.6℃

今日悠悠閒，7點多才起床，收拾一下行裝，出外找了一間叫Subway的快餐食早餐，食飽飽慢慢行返酒店，取回行李Check out。步行往難波OCAT站乘機場巴士到關西空港，一小時左右到達，依原定計劃找個大Locker安置所有行李。我們兩人就兩手thing thing離開機場大堂向下一站進發。

在計劃行程時由關西空港去Rinku Premium Outlet，如果坐地下鐵一程要470円都幾貴架；好在之後係網友的遊記中發現有連接兩地的接接駁巴士，只需100円。最後當然唔使想，又直接、又方便、又快捷。由於嚟個outlet 11點開門，所Sky shuttle bus 都要11:00才有車，我哋乘第一班車去，20分鐘就到達門口。嘩已經有好多本地人啦！感覺同橫濱的Bayside Outlet 好相似，可能是同一集團的原因吧。

裏面有很多品牌，心想一定大有收穫，首先內有兩大內衣品牌的Outlet，在內衣店內我只會說一句說話，就係Bra 多眼亂，係真架。之係當然到吓Nike, Adidas, Puma等睇睇有無收穫，你哋可能會問：你去咁多個Outlet以上幾個品牌都有啦，點解仲要去？因為我發現有部份貨品相同，但若要尋寶就要細心啲，真係會有寶的。另外Bandai內，亦買了一些比正價貨平的嘢，當然也掃了一點點。

行到差不多１點，要吃午飯，Outlet 內人很多，食肆也很爆，就算排隊都要食，唔係餓死咩。於是允左間係二樓的Okami Kitchen　おかみキッチン（和食），點了一個鰻魚荼漬飯及三文魚茶漬飯，好好味～～；最後係Coach買左個袋，好低。我哋短短4小時的血拼已經三大袋，仲要返到機場諗吓點塞入個行李箱到。臨走見到幾部扭蛋機，又話要扭，一扭之下又扭了四隻不同，真係有無咁Lucky呀，有車啦要走啦！

返到機場，第一時間開Locker取行李，原來只需300-400円(唔太記得)；我哋只能將有限的空間塞無限的收穫，終於左砌右砌後攪掂咗。可以去寄存行李，由於昨晚已在網上Check in，所以好快就寄存好行李，之後再睇睇有咩手信買作最後衝刺。下午6:10準時起飛，食過飛機餐，睇埋出戲，已經到香港了，我哋仲要趕去搭機場巴士，唔使35分鐘到達港澳碼頭，左轉右轉終於在凌晨返回澳門屋企。