京阪神姬之旅 ~ 大阪城

Day 6    8月16 日(星期三)   晴れ　気温34.2℃

原定今日唔會買任何乘車卷，但今日會來來回回的關係，我哋決定買市營地下鐵的一日乘車卷850円，原因？睇落去你就知。

今日時間較多，可以遲些起床，約8:30由難波站到本町再轉車到森ノ宮 ，目的地當然係大阪城，嚟到大阪又點可以唔到大阪城呢？縱使大阪城是一個現在化的城。在出發到大阪城時，我哋無打算花600円入去參觀的，因內裡的歷史價值已因從建而消失；但當日溫度亦頗高，步行去到大阪城時，已滿頭汗，於是就決定入內涼涼冷氣，順路睇睇有幾現代化；其實大阪城可以形容為一個置於城堡內的博物館，好快就參觀完。

穿過大阪城公園返回森ノ宮住鶴橋，鶴橋商店街一帶，有很多韓國小食及韓國的食品等，買咗一些小食一路行一路食，味道都OK。之後打算到通天閣食午餐，由鶴橋到日本橋轉車到動物園前，到達通天閣周圍（即新世界）可見不同顏色的ビリケン（BILLIKEN）就像守護神一樣，樣貌都幾可愛。

兩旁的店舖好多都售賣炸的一串串食物，因當時午餐時間，而我又覺得唔係咁吸引；

於是經過一間河豚的店舖的廚窗，食物好吸引，價錢又唔貴，最重要未食過。於是入內吃我人生第一餐的河豚餐，點了一個河豚刺身，河豚刺身箱壽司，由於之前喺鶴橋食的嘢都未落隔，所以只點了兩度菜，目的只想試試河豚的味道，比其他魚類刺身爽口，估唔到又幾好味，正呀！

食飽飽，時間都只喺中午1點，係時候返去南船場的Evisu Donna取褲，之後仲到Evsiu 超本店睇埋男裝，入到去店員帶我們到樓上慢慢介紹，介紹咗最Basic的款式No.2 Lot 2001價值 21000円，試上身後發現有啲長，但改短需時一星期，問店員可否改短後寄回澳門，他們話香港（因有專門店）就得，澳門就冇嚟種服務；唯有回澳門找間相熟的店舖改，至於隻海鷗就畫上白色，但要一小時後才可取褲，店員還送上一張coupon到Evisu的café店飲嘢，等一小時後回來取。

但我哋時間有限，所以無用這張Coupon，繼續下一行程。到梅田，一出地鐡站就見到yodobashi睇玩具，好大好多嘢賣，尋寶的時候又到，都有收獲；另一方面繼續到Kamo soccer睇吓，梅田呢間都幾大，原來都有幾件好野買，到樓上仲買咗件童裝J-League球衣，只需3500円左右。

之後又去Hep five 商場，裏面有一個紅色摩天輪，不過好多人排隊；不過梅田真係好多人，好擠擁，我本人就唔太鍾意咁多人，好彩冇選嚟區住。差不多4點多了，找了一間café飲杯咖啡食個三文治，步行往 Yodobashi後面有幾遠有一條頗長的行人隧道，穿過行人隧道後，就會見到Sky Building 即空中庭園，位於40層樓之上360度的空中庭園展望台，真的很高，由於展望台是露天的，所以感覺好空曠，好大風，仲可以360度望晒整個大阪市，見到空中的飛機飛過時，感覺好接近就好似係你隔離飛過一樣。剛好我哋見到大阪夕陽時分，本想等到入夜，但夏天始終日長夜短，等不到只好離開。

離開展望台到下層，有Sony貓的Pez扭蛋，當然要扭隻收藏吓拉！結果扭下一隻，扭下又一隻，嘩～隻隻唔同喎，最後一套六隻，我哋扭咗５款，真喺高興到不得了。坐時見到一對外籍夫婦，同時又傾起日本旅行的趣事，原來旅行真係好易識到朋友的。

另外在展望台的B1有一條食街模仿昭和初期的街道為主題，名叫滝見小路，好似幾多店舖的，我哋剛吃見下午茶怎能再吃呢？只好回程。穿過人多單車多的行人隧道，回到車站離開梅田返回心齋橋，再到Evisu超本店取褲，之前服務我哋的店員仲用90度的鞠躬送我們離開，真係令你有賓至如歸的感覺。

之後穿過美國村返回道頓堀一帶；由於明天將離開日本，所以今晚到一些手信買手信，多多少少都要買啲名物俾親戚朋友交代吓，你哋話係咪。

晚餐在極樂商店街度食，因為前幾晚到未去，順便參觀吓懷舊商店街，到門口時店員會問是否第一嚟，我哋都覺得奇怪點解會咁問，原來經來嚟的人會有一張類似會員咭的ＩＣ咭用來記數，而我哋喺旅客身份，店員給我們一份中文的說明書，內容大概係入場費，最低消費，在場內不需使用現金，只用店員給我們的IC咭，最後離場時一起結賬。

首先行吓有咩好食，先食咗一串燒丸子，唔錯唔錯；晚餐到了一間有70年歷史的平壌冷麺専門店，呢間店的麺即叫即造，有一份造麺的機在店內，客人見到造麺的整個過程的，我哋分別叫了一個冷麺及溫麺，帶有韓國風味的拉麺，味道好好；之後周圍逛逛影吓相，買啲手信，排隊付款後離開。今晚比較優閒，四圍望吓睇吓影吓，想起未食燒蟹腳喎，即到轉角位的蟹道樂買燒蟹腳一份500円，再到赤鬼食多次章魚燒，好滿足地回酒店。

早點回酒店整理行裝，明天就離開呢個美食廚房 – 大阪。

是日交通費：今日用大阪地下鐵一日乘車卷 ，價值850円，搭車次數約8次，搭市營地下鐵車費每程約230円，你哋話係米賺哂。

梅田空中庭園：http://www.skybldg.co.jp/garden/index.html

道頓堀極樂商店街：http://www.doutonbori-gokuraku.com/