京阪神姬之旅 ~ 姬路城, 神戸

Day 5 : 8月15 日(星期二) 晴れ 気温37℃

晨早起床，照原定計劃Check out Riva hotel，轉到道頓崛酒店先辦入住手續及放低行李；行出酒店門口先影張招牌相，然後往JR難波站出發，今日將使用JR關西一日Pass當然搭JR用盡佢啦！雖然要轉多次車，都係值的。

先由JR難波至今宮轉往大阪，最後搭JR山陽本線（新快速），提提大家一定要搭新快速，因為快好多，同停少好多站，緊記。足足搭車搭咗個半鐘就到，差不多到姬路時在車上也望到姬路城，好興奮好快就到。由於未食早餐，而今日行程緊迫，於是就喺車站買咗個飯團（第一次食便利店的飯團，味道都唔錯）及咖啡，企埋一邊食完就往大馬路出發，因為一出車站一直望就見到姬路城，只要向住姬路城一直行，沿路兩旁都種滿樹，及有點點微風，至使咁炎熱的天氣舒服啲。

大約行10-15分鐘就到，姬路城咁美麗的外型真喺認唔住影咗好多相，真係好似白鷺一樣咁靚，如果周圍開滿櫻花的話，真係不可想像有幾靚，有機會要在櫻花盛開的季節再嚟一次，到達城的周邊還要步行一大段路才到達大天守城樓，但沿路都值得參觀的，入城樓參觀需要除鞋及可穿上拖鞋，至於自己對鞋就可攞個膠袋放入去，全程就稱住對鞋嚟參觀，我哋開頭有著拖鞋，後來發現著住上落樓梯好易飛拖，最後決定唔著，舒服好多。同二條城一樣無燈，無冷氣都帶點清涼，內裏的設計另人聯想到大奧電視劇內的場景，因樓梯又窄又斜，上落時都幾驚險，但絕對值得入內參觀。

之後沿路返回姬路駅乘JR山陽本線返回神戶的三宮到達時約12點剛好吃神戶牛午餐的優惠時段，事前都無想過吃哪一間，而三宮駅附我哋每人叫了一份（大家睇相就見到），份量唔係好大，但個餐可選擇跟飯或麵包同一個湯，所以都食得飽，每組客人都有一位廚師為你服務的，仲好有禮貌，佢見我舉起相機影牛肉，他立即放正我面前俾我影，當神戶牛入到口時，果然入口即溶very good!!!!近有很多不同的選擇，行行吓就找到一間門口都幾特別店名是神戸ステーキレストラン　モーリヤ，都有幾個日本人正在等位，我哋只等了一陣就有位，我第一次食神戶牛，之前睇啲討論區話一定在午餐時去食比晚餐平一半架，現在真正感受到啦！埋單78XX円左右，於是我哋就好滿足咁離開餐廳。之後喺三宮駅附近閒逛一陣，返回三宮駅乘JR往垂水，再向海邊方向步行10分鐘或向人潮方向都唔會迷路的，因為多數人都向同一方向步行都是去PortoBazar Outlet的，而我哋點解去呢？當然有原因啦：第一，從嚟個Outlet可以好清楚地遠望明石海峽大橋；第二，嚟個Outlet都幾靚，仲有個露天廣場；第三，順便可以睇吓有無好嘢買。

PortoBazar Outlet分開四座建築物，每一座均有不同的品牌，都買了一些幾平的嘢，Shopping 後緊係要休息吓，我哋就走去露天廣場休息之餘亦同明石海峽大橋影吓相，因明石海峽大橋是世界最長的吊橋，全長有3391公尺 ，聽聞可低擋8.5級的強震及80M 的強風，所以真係好宏偉，欣賞完就原路離開。返回元町駅一帶，由於早前在京都只買了一件J-Leauge的球衣，今次係神戶三宮駅與元町駅之間的kamo soccer店又有少許收獲，因為每間Kamo Soccer店只有部分地區的球衣，所以明天要繼續找至得。

轉往南京町（中華街）比橫濱的中華街短好多，街道兩旁都喺傳統的中式店舖，我哋只買了少許小食，仲有一個好細的小廣場放置咗十二生肖，本來都想影張相，但不知點解有一條長龍阻住，影唔到相，無辦法啦！之後由中華街往海邊方向行，都唔知行咗幾耐，終於去到神戶塔，一個紅色用鋼鐵造成的塔，唔係好高，由於時間安排未能在晚間上塔頂影神戶的夜景，只影了白天的景象，不過之後去完Mosaic之後出來補番兩張夜景。

Mosaic都算幾大，但裏面見到好多香港旅行團，晚餐在一間食韓國燒烤的餐廳到食，自己親手燒特別好味，時間都差不多九點，步行往神戶乘車返酒店，因為車程差不多要成個鐘，連等車及轉車返到去都己經10點半，返到道頓堀酒店攞房，嘩！間房真係好細喎，真係俾佢的門面欺騙了，不過回想business hotel 係咁架啦，價錢又唔貴，好在佢有免費上網及免費Print 嘢，唔理咁多囉，早睡早起。哈哈，唔係喎，明天可以遲起～～

是日交通費：今日用關西JR Rail Pass ，價值2000円，搭車連轉車約6-8次，車費散付的程況下總支出應是3760円，用JR Pass 只有一個“低”。搭得多，賺得越多。

姬路城：http://www.himeji-castle.gr.jp/

神戸ステーキレストラン　モーリヤ：http://www.mouriya.co.jp/index.html

PortoBazar Outlet：http://www.portobazar.com/guide/guide.html