京阪神姬之旅 ~ 伏見稻荷大社

Day 4      8月14 日(星期一)    晴れ 気温35℃

今日將會離開京都，所以一早就Check out先，然後放低部份行李。京都最後一個目的地伏見稻荷大，點解要去？自從較早前睇過藝妓回憶錄後，有一幕就喺伏見稻荷大社拍的，好吸引，所以一定要去。

在京都駅出發乘JR奈良線5分鐘就到只需140円，去到伏見駅，係一個小社區的駅好細，一出駅就見到稻荷大社的正門。當然要醫咗個肚至有力行，離開駅往左邊行呀行，行呀行，時間實在很早，大部份店舖都未開，後來見到在馬路上的路軌影咗張相，

踏上路軌過馬路，睇睇對面有無吃早餐的地方，終於找到有一間黃色門口的咖啡店，內裏由一位中年女人主理，在坐都係一些中年以上的伯伯，經老闆娘的親切的招待，我哋好滿足到離開。隨後返回伏見稻荷大社遊覽，嚟間神社是供奉狐狸的，原因是狐狸喺稻田的守護神，亦即是保祐生意繁榮昌盛、五谷豐收的山神，而這間喺日本全國四萬所稻荷神社的總社。經過樓門往山上行就會見到千本鳥居，朱紅色的鳥居一直延伸到山頂，好壯觀，其實每一個鳥居都喺由某一家商戶所奉納的。而我亦係都小生意的，所以到達本殿順道參拜一下，

首先買塊絵馬畫番個弧狸樣，背面當然是寫上祈求生意興隆的字句啦！

掛上絵馬後，繼續往山上走，

一路上只是嘩，鳥居呀，鳥居呀，走到一半，影咗好多相，我哋就決定回頭了，在樓門附近有啲紀念品店，結果買下了一隻Ｑ版的招金的狐狸。（細細聲話你哋知，我擺咗喺舖頭，又真喺幾掂喎。所以我一定會去第二次的）之後搭JR返回酒店取行李。

由京都駅乘JR東海道本線到新大阪，再乘大阪市營地下鐵返回難波，大約1小時到達Riva心斎橋酒店，同之前一樣未到Check in 時間，所以只辦手續及放低大件行李（與之前放低的行李回合）。

下一站喺嚟個旅程的第一個Outlet，位於門真南的Blossom Outlet，只要乘地下鐵往心齋橋再轉長堀鶴見綠地線，約31分鐘310円到達門真南，不過好似唔喺好多人搭，越坐越少人。由門真南的站上到地面，周圍好空曠，往Outlet的途中都幾曬要行大約5分鐘才到，途中還會經過一個體育館〔なみはやドーム（大阪府立門真スポーツセンター）），午餐打算在Outlet內解決，吃了一個冷意粉，炎炎夏日，幾清涼。吃飽飽出去血拼，收獲都有啲，如果要評價的話，其實無時間的話可以不到。

大約5點左右搭地下鐵原線先返酒店放低戰利品，順便返房休息，嘩入到房，仲大過第一晚個間房，正呀！休息完打算先到大阪的Nike shop 同心齋橋一帶睇吓，之後到美國村行吓，穿穿插插，好多型人，不過個人嚟講，我就唔係幾鍾意美國村，所以找咗間美國feel的熱狗店，食完下午茶後，發現adidas專門店，果然有收獲，仲同個好型的Sales傾咗好耐。之後打算去睇睇大阪名物Evisu，去到南船場，差不多成條街都會見到Evisu（包括Evisu Donna，Kids，超本店，裁縫店，仲有Café添），我就喺將近關門的一刻在Evisu Donna　買咗條21000円的Lot2000，隻海鷗本來喺由店員即時畫（但因時間已近關門，店員話要明天才可取褲。但由於明天整日我哋會去姬路及神戶，所以8月16日 才回來取褲。於是攞住張單離開，返去心齋橋及道頓堀一帶食晚飯，在道頓堀食了另一樣大阪名物：自由軒，我哋幫襯咗本店，內裏真喺好舊式的裝修，店員全部都是上年紀的婆婆，就算喺日本人都喺冒名而來食咖哩飯，樣貌普通，不過都幾好味。

由於Riva 心齋橋酒店Package只包兩晚，明日就要轉酒店：道頓堀酒店，順道在道頓堀一帶先找出正確位置。原來真喺好近，明天就唔使再花時間，點解會選擇住道頓堀ホテル ，原因好簡單就喺比佢門口代表四個種族的人頭像吸引，你哋話係咪好有趣呢？突然醒起第一晚食唔倒赤鬼的章魚燒，於是立即去排隊，人龍都幾長喎，不過都好快買到；我買咗一個500円的有汽水同六粒章魚燒，包裝的設計都幾特別，在汽水杯的頂部就放咗啲章魚燒，揸住個杯又唔怕辣襯隻手，味道正呀！一定要再食，時間都唔早，明天還要晨早起床，回酒店休息。

是日交通費：京都至伏見來回280円，京都至難波810円，難波至門真南來回620円（今日車費使得多囉）

Blossom Outlet：http://www.blossomoutlet.com/

道頓堀ホテル：http://www.dotonbori-h.co.jp/