京阪神姬之旅 ~ 清水寺, 銀閣寺

Day 2       8月12日(星期六)   晴れ/曇り      気温35℃

今日一早六點鐘起身，然後Check out 將大件行李放低（因8月14日會住同一酒店）， 由於要轉車所以要早一點出發，先乘大阪市営地下鉄御堂筋線往新大阪，再轉ＪＲ東海道本線(新快速)往京都（需時50分鐘，810円），兩晚都係住アパホテル＜京都駅前＞（Apa hotel　是在樂天的網站訂的，今次都係第 一次網上訂房，原來好簡單，之前都有啲擔心。APA Hotel 平均8500円一晚，因有一晚是星期六，所以貴啲。）JR京都駅步行5分鐘，很方便。

到了酒店又未到Check in時間，所以只辦了手續，放低行李，就輕鬆地出發。

立即返回京都駅，先到地下街吃早餐，然後出返地面的巴士總站買一日乘車券500円一張（一日乘車之前已在網站了解使用方法及各巴士路線，並預先Print 左張巴士路線圖及各景點巴士站的分佈。做足準備，咁就唔會浪費時間啦！）在總站搭100或206號均可到達五條坂，一落車就見到好多人，我們就人群方向一直行見到清水坂兩旁有限多手信店，到了清水寺終於感受清水舞台的獨特建築，及周圍的樹林幾咁壯麗，

穿過清水舞台就見到地主神社（祈求戀愛及幸福的神社）當然要參拜啦！沿路離開時還有一對外籍夫婦問我們附近有冇食拉麵的地方，講解過後他們還以為我們是日本人，解釋後便離開清水寺（之後我們才發覺，原來冇去到音羽の滝，失敗）。

返回清水坂買手信，試左一間清水黑舞台的黑芝麻雪糕及買了黑芝麻的生八橋；往產寧坂及二年坂，兩旁的舊建築及手信店都好靚，順路一直行就去到高台寺及 円山公園，我們只是經過並沒有入內參觀；

再沿高台寺側面行，到達八坂神社（主要祈求生意興隆）的後門，裏面有一些奉納的燈籠，畫左啲公仔及字句幾得意。由於我是做小生意, 所以一定要買番塊絵馬，寫上心願然後掛上。

參拜後由正門離開，便是祇園，有限多野食同買；不過我的目的是到よーじや買其中一樣京都名物-面油紙，よーじや內果然有限多本地人Shopping，其對面就是花見小路，同大街又有不同的風格，當然唔少得影了一張旅遊雜誌必影的相，

午餐就找了一間烏冬店，不過唔知咩名，店面限簡潔，內裏還有一間房仔俾客人參觀他們的烏冬製作過程，我們點了一個咖哩鳥冬及天婦羅烏冬（好味～），埋單16xx円左右。

食飽飽，到對面的衹園ホテル門前的巴士站搭12號去二條城。

在二條城前落車，返方向步行2-3分鐘就到，到本丸御殿內參觀要除鞋，內部很舊，但一些門的畫像及結構都保存得很好，腳板接觸地板的感覺好舒服，雖然外面35度，入到裏面無燈，無冷氣的情況下都有啲涼意。

返回二條城前搭12號到崛川丸太町再轉204號才到下一景點銀閣寺，在到達該站時，由於老遠已看到有車，所以無想過是否正確方向，就立即上車；在行車途中都覺得有啲唔妥，突然在窗外見到對頭的204號的頭牌是銀閣寺方向，喺呢個時候就知道搭錯車，立即按鐘茖車（當時已到達北野白梅町站）然後過馬路搭回正確路線(當時仲突然下了一場大雨)。（這次是一個錯誤示範，記緊睇清楚至好上車。）好彩並無浪費限多時間及金錢。

在銀閣寺道落車，步行10分鐘左右就到，銀閣寺比較簡樸，最特別的是未到銀閣寺的庭園之前有一條樹籬的通路，另外從山上影銀閣寺的全景靚啲。

走的時候到 銀閣寺前搭32號返回四條河原町一帶Shopping，目的買J-League波衫（在Kamo Soccer），Porter袋，仲有Blue-Label等等，最後收獲並不多。但係下午
茶時段去咗一間現場蒸餾的Café，果然滴出來的咖啡係好飲啲。後來轉戰伊勢丹百貨，睇啱咗個袋，但已接近關門，恐防來不及退稅，所以決定明天先買。之後 返回京都駅的地下街食蛋包飯，步行回酒店。返到酒店攞番啲行李上房，大堂細細哋，至於房間都係細細間與新宿太子差不多，不過都唔理咁多，趕快去眠，明天還要早起去嵐山。

是日交通費：道頓堀至京都810円，京都一日巴士乘車券500円（今日搭巴士７次，有賺）

APA Hotel＜京都駅前＞：
http://www.apahotel.com/hotel/ah_kyotoekimae/index.html
京都巴士路線圖：http://www.city.kyoto.jp/kotsu/brochure/bus_navi/pdf/busnavi_jp200609.pdf

よーじや：www.yojiya.co.jp