Day 1 8月11日 (星期五) 晴れ 気温36.5℃
早上六點就出發乘船往香港，事前已做了網上Check in 所以時間十分充裕，我們乘坐國泰CX506班機，10:05準時起飛 14:45安全到達，很快過了海關（日本的海關總括黎話都很有效率，起碼比香港機場快幾倍時間）。到達關西空港立即按計劃，往空港對面的ＪＲ駅內的みどりの窓口購買車票（トロッコ列車乗車券( 8月13日早上10:00)–嵯峨野観光線は山陰線(馬堀～嵯峨嵐山間, 600円 及. JR-WEST PASS 一日乘車券 ( 8月15日 ) 2,000円)售票處的姐姐又十分nice，初時她說8月13日的小火車已滿，真係赫了我們一跳（心想唔通要改行程～～），後來她改口話是她搞錯日期，是有位的(好彩)，於是就安排了第二卡車。車票買好就回關西空港大樓外的巴士站搭機場巴士到往Riva心斎橋酒店（住兩晚Package包的），原定坐Airport Limousine 1300円直接到達酒店門口，到買車票時D售票員話剛剛沒有車，所以即轉搭較平的OCAT到JR難波駅，步行約10分鐘到達酒店。初時見到Riva酒店的外形並不起眼，大堂亦較細，我哋住11樓，房間很大、很濶、浴室亦很大，比上一次住的新宿太子酒店大得多。安頓好行李，急不及待出外逛逛。
由於時間尚早，先到日本橋一帶搜尋玩具及散蛋，行了個多小時已有不少收獲，然後返回道頓崛。在道頓崛行行下發現法善寺横丁很熱鬧，於是入去看看原來是法善寺横丁まつり，應該是一些慶祝活動，窄窄的横丁內兩旁擺滿小食檔，幾特別、幾有趣，開始有點肚餓，剛好由法善寺橫丁回頭就看到蟹道樂本店的蟹吸引住，於是我們就係大阪食了第一餐：蟹宴，店內有一位老婆婆於(車立)口迎接客人，吃了很滿足的一餐（最讚的是蟹刺身，真是美味極）。
之後四處影相，行行行．．．
想食章魚燒，於是到赤鬼買啦，點知行到埋去，店員突然使出超人死光Ｄ～Ｄ～，就咁將我們擊倒；原來他說經已收工，清潔中。這樣我們只好轉吃浪花章魚燒，唔，冇想像中好吃，只可說是一般。
之後回酒店，迎接明天的京都之旅。
Airport Limousine：http://www.kate.co.jp/pc/index.html
Riva心斎橋酒店：(已改名為cross hotel)
8 comments
發表留言
Author
woodson799@yahoo.com
Related Posts
請問你買哪間公司的package?? 我是澳門人啊…看到你要坐船到香港..你也是澳門人嗎??
係呀! 我是幫親學聯, 服務都幾好的. 當時我都比較過東瀛遊的Package, 但都係學聯好d, 多d選擇.
喔喔…我諗住都係去京板神.. 你仲有冇搭車既資料, 因為我好驚搭錯車..=.="" 唔該哂..^^
你打算幾時出發, 有冇基本行程? 你去有冇重點想買,想睇的野? 如果你問搭車,網上有限多路線檢索的網站, 只輸入地點即可,既方便,又快捷. 搜尋旳結果包括車費,轉車路線及時刻(日本的交通共具是絕對準時的). 以下是其中一些路線檢索的網站: http://transit.goo.ne.jp/index.html http://transit.livedoor.com/ 另外,在京都就一定要搭巴士,並且一定要買一日乘車票, 因為一程巴士220 円,一張一日票才500 円, 真係平宜極. 在京都搭巴士只要手持一張巴士路線圖就玩盡全國京都市各寺(從這裏下載 http://www.city.kyoto.jp/kotsu/brochure/bus_navi/pdf/busnavi_jp200609.pdf 要print A3 Size 至睇得清楚. 或者繼續睇我的遊記
好!!我一定會追你的遊記..
我個package都係住riva hotel, 搭cx呀~ 不過要$3800呢…
至於嵐山小火車一事呢, 我都知可以去jr green counter到買, 我只係擔心因為果排係旺季, 我去到時已經賣哂飛…. 想早d托人幫我定.. 點知又搵唔到個friend….
我又係澳門人呀,我同兩個女同事又打算去大阪同京都,唔知有無咩好介紹呢
咁就要問吓你, 幾時去, 對咩嘢地方有興趣, 例如:
大阪:天保山的海遊館, 環球影城, 世博遊樂場, 仲有兩個outlet, shopping地方仲有心齋橋一帶, 美國村, 我個人鍾意到南船場買Evisu.
京都:好多寺廟, 如果是賞楓同賞櫻季節最美, 伏見稻荷神舍的千本鳥居,好靚架!
有時間可以去埋神戶(食神戶牛,仲有個outlet都唔錯)及姬路城.
有咩問題隨便問, 唔識都可以上網搜尋, 因為我出年想去賞櫻花, 順便揾資料.