京阪神姬之旅 ~ 後記

~ 後 記~

我終於明白啲網友點解會去咁多次日本，對於我嚟講理由都係日本四季的景色都不一樣，無論玩、食、買每一個地區都有當地特色，我己經被好深深吸引住。

比較兩次的日本之旅，明顯地比第一次輕鬆好多；想起第一次自由行，當時出發的前一晚剛做完一場給親朋戚友睇的大Show，心情都未平伏，立即又要出發，心情又興奮又緊張。好在當時都做足準備，結果都好順利咁完成東京之旅。

所以今次大阪之旅，好輕鬆、又嘗試網上訂酒店（價錢真係平喎）、第一次在日本搭巴士、用JR WEST PASS好似通行無阻的感覺、京都各大寺及嵐山的美景、食到蟹同河豚刺身、仲有入口即溶的神戶牛柳、買咗好多J-LEAGUE的球衣、好多大阪名物、好多好多數唔盡咁多的美景、美食同回憶 。

在剛回來的 一兩 個月期間，真係有衝動二月或四月再去一次日本，原因是二月會有椎名林檎演唱會，可惜07年沒有。而四月是我生日呀！暫時未定但機會較微，唉！算把啦，可能都係留番啲彈藥8月去北海道睇薰衣草lu。

點解要開呢個BLOG，因為我有好多嘢想同大家分享，好想人哋問我去日本既野，想將我所知既話哂比你哋知；至於唔知的就同大家研究吓囉！！！

遲啲我會寫埋東京的遊記同大家分享，希望大家有興趣啦！