3月31日(月) Day 2 雨/晴れ 6.8℃-11.8℃
18:00 左右離開酒店，乘坐巴士到清水寺夜拝，但真的估唔到會咁塞車，差不多要45分鐘才到，瞓咗幾覺才到，摸黑行上清水寺（因為行咗另一條路），原來夜拝的時候，整個山頭都會封咗，而進入清水寺範圍則只有一條順路行走的方向，所以差不多到清水寺時，已有欄截付款後才可入內拝觀：料金拝観料／大人400円 小・中学生200円。
由於清水寺已經是第二次到的，唯一是想感受一吓夜拝的美景及燈光的配合，又會怎樣呢？
一路上都有很多人，日本人最多，其他的遊客返而唔係好多，間中都會少許普通話人及廣東話人，當中亦有很多攝友；清水寺夜拝最特別就是因為有一道藍色的光柱，襯托得清水寺的橙紅色特別靚。
（以下兩張DC仔影，所以畫質差少少）另外因為我哋沒有帶腳架，所以夜間的拍攝，很多都差啲，而且一提清水舞台內是不可以用腳架的。
人很多，好難至攝到個好位，很偉大的建築
一直沿著順路走，這個時候的櫻花屬始開階段，所以大家更係睇唔到櫻花啦，有少許失望．．．
行行吓開始肚餓，從清水舞台旁的高處向下望，見到音羽の滝很多人，旁邊有一處吃湯豆腐的店舖：
「滝の家」，今次到京都另一目的就係吃京都名物湯豆腐，該店有露天的坐位（幾好feel的），但我哋都選擇了室內的坐位，因為室外有點寒，點了店內的全為食物（全店其實只有三重食物），就是以下的
きつねうどん ６００円 （記得影相時，已經被べンさん吞了）
きつねそば ６００円 （這個豆腐干，亦被食了一口）
湯豆腐 ７００円 （真的好滑滑，正！一定要試）
離開清水寺時，本來想黃昏時再到此一遊，但最後都無時間再來，之後步10分鐘左右到達八坂神社，
穿過八坂神社，已經見到好熱鬧，路的兩旁有好多小食檔，但有部份已收檔，在櫻花樹下亦有些用來霸位的藍色布，見到這些日本人下班後到這裏賞櫻，真的感受到他們的熱鬧氣紛，而我們目的是睇円山公園的枝垂桜，有80年的樹齡好巨大的櫻花樹 （已滿開）^O^…… 好大呀！！！這是不同角度的枝垂桜。
已經差不多9點左右，時間尚早，行行衹園，不過將近收舖。突然想起行行白川的櫻花路，未行到的時候見到唔喺好多人，起初以為行錯路，好在都見到啦，嘩！好靚呀！整條路沿著白川都是櫻花，而且仲要喺滿開，
滿天都是櫻花．．．．．．．．
我們整條路來回了一次，之後就乘巴士返回酒店，當然回酒店前在Lawson買盒奶同買啲小食。
今日的賞花行程可以話大滿足，嘩過不停，果然無選錯日子。
明日Day 3預告：二条城，嵐山．．．．。
12 comments
發表留言
Author
woodson799@yahoo.com
Related Posts
夜景你也可以拍得這麼好啊
多謝贊賞.
原來夜櫻係咁….大開眼界呀
我都好想試下湯豆腐, 不過無機會….下次要試下先
清水寺大舞台~唔係睇你d相, 我真係無留意佢地台個結構係咁……
可能我上次去太多人塞住左…好難先攝到個位影相..下次要落足眼力先得
同埋你d相真係好靚呀…….好藝術feel
同埋我想問下點樣放相係blog banner~我試過放..但係個size唔岩…只係睇到三分一張相jar…可唔可教下我呀
我第一次到京都也錯過吃豆腐，所以今次一定要試到．
放相係blog banner，主要在編輯時有一欄格式，只要選淨背景就可以，不過這樣可能會覺得張相很大張，所以要預先調整相的size就會ok!
初次來訪, 你好.
你拍的相很美, 特別是夜景,我去年也到過京都賞櫻, 我十分喜歡去日本, 正計劃九月再去
果樹啲湯豆腐真係好鬼滑架
無錯, 想起都漏口水呀! 哈哈!!!!
賞櫻係好, 不過如果要我同咁多人一齊迫就唔好啦。上次去白白痴痴咁撞正佢地黃金週, 真係想死…
但無法啦, 開花期只有短短的十多日, 全日本的人加埋外國到日的遊人, 就一定多人架啦! 但多人都只是一些熱門地方啫, ………
你影D 相好靚呀! 同埋你寫個BLOG 好詳細好有心機呀!
去京都睇櫻花好正呀!
謝謝你的欣賞及贊賞, 你都剛去完北海道, 好唔好玩呢?我個人就好喜歡北海道的風景,你呢?
幾好玩呀… 七月中都唔會話好熱!! 不過好慘…. 去富良野果一日落好大雨呀, 都唔係好影到相 有機會都好想快d 再去過呀!