関西桜の九 – 蹴上, 平安神宮

3月31日(月) Day 2 雨/晴れ  6.8℃-11.8℃

上回講到吃飽飽午餐，外面由開始天晴，首先往蹴上已廢止的傾斜鐵路。

蹴上インクライン(傾斜面索車)-點解會有這條鐵路呢？

是原琵琶湖疏水道在明治的年代被利用作發電，自來水及運送物資的用途。當船隻由琵琶湖疏水道運送貨物到蹴上時，由於蹴上與岡崎有36米的落差，船隻不能運送，於是建造了這條用繩索的鐵路。船會停留在一個平板的推車台上用繩索一邊控制速度慢慢地滑落。蹴上斜面鐵路是全世界最長有581.8米。

廢止後，因為兩旁種滿櫻花樹，因此成為其中一處賞櫻熱點：

由這裏開始行上山，兩旁的櫻花很美，加上一條荒廢的鐵路，如果人少啲就更好，不過每個遊人都把握著這10多天的櫻花期前來賞櫻，所以影相時都好難避開人群。

嘩～櫻花呀！人呀！有太陽啦！！！

ｏｏｏｏ，又有雨！！

慢慢行，來回都差不多用了大半小時，返回到琵琶湖疏水紀念館附近的噴水池，

之後再沿岡崎疏水往平安神宮，岡崎疏水兩旁亦有好靚的櫻花，仲可以乘坐遊覽船觀賞。

終於見到好大的鳥居，這就是通往平安神宮的主要道路，好似個大門口咁樣，右手邊的建築物就是京都市美術館。

平安神宮內的神苑部份有約300本櫻花樹，種類包括八重紅枝垂桜・染井吉野・彼岸桜・山桜・里桜・寒緋桜・鬱金桜など約20種，因為以紅櫻為主，所以開花期較遲，我到的日子只是初開期，只見到少少的桃紅色。神苑的拝觀料金：600yen

由哲學之道一路行呀，行呀，原來已行了幾粒鐘差不多4點左右，都喺時候回酒店Check in了，參觀完平安神宮，因為開始好大雨，所以避了一陣，返回大鳥居旁的巴士站乘46號返ホテルマイステイズ京都四条。

酒店簡介：

ホテルマイステイズ京都四条　

宿泊日：31/3 ~ 2/4 共3泊，

料金：因連泊有優惠，所以每晚只須9500yen一室(18平方米)

設備：新，有自助洗衣房，有放濕機，職員英文流利，

評價：⭐️⭐️⭐️⭐️⭐️

相片中的房與我哋住的一樣的，可惜唔記得影相，主要喺因為天氣比預期中寒冷，ベンさん帶唔够衫著，所以返酒店前，先到新極京通找uniqlo買件長袖衫打底，而我就帶够啦。

一返到酒店就立即加衫，然後休息一陣，6點左右又起程……..

如果一編網誌可以加多啲相就好，我就唔使一日遊記分咁多次寫啦，煩呀！！！

是日晚間預告：清水寺夜拝，円山公園及衹園一帶